एजेन्सी – स्पेनिस मिडफिल्डर इस्कोले रियल म्याड्रिड छाड्ने घोषणा गरेका छन् । इस्कोले सोमबार सामाजिक सञ्जालबाट ९ वर्षको बसाईपछि स्पेनिस महारथी रियल छाड्ने पुष्टि गरेका हुन् ।

रियलमा ३० वर्षीय इस्कोको सम्झौता ३० जुनसम्म रहेको छ । त्यसपछि उनी फ्रि एजेन्टमार्फत अन्यत्र क्लबमा आबद्ध हुनेछन् ।
इस्को अनुबन्ध गर्न यसअघि इंग्लिस क्लब आर्सनल, चेल्सी र टोटेनहमले योजना बुनेको थियो । अब के हुन्छ हेर्न बाँकी छ ।

इस्को सन् २०१३ मा अर्काे स्पेनिस क्लब मालगाबाट २७ मिलियन पाउन्डमा रियलमा अनुबन्ध भएका थिए । उनले लस ब्लान्कोसका लागि ३५३ खेलमा ५३ गोल र ५६ असिस्ट दिएका छन् । तर, पछिल्लो समय इस्कोले रियलबाट खेल्न संघर्ष गरिरहनु परेको छ ।

यो सिजन कार्लाे एन्सेलोट्टीको नेतृत्वमा इस्कोले स्पेनिस ला लिगामा केवल १४ खेलमा मात्रै मौका पाएका छन् । प्रारम्भिक रिपोर्ट अनुसार उनी स्पेनिस क्लब सेभियासँगै जोडिएको छ । तर, पुष्टि भइसकेको छैन ।

यसैबीच, इस्कोले म्याड्रिडलाई भावनात्मक विदाई गरेका छन् । इस्कोले इन्स्टाग्राममा ‘जब म मालागामा थिएँ र मलाई छोड्नुपर्छ भन्ने थाहा थियो, मैले अर्को टोलीमा सामेल हुने प्रतिबद्धता व्यक्त गरें, तर रियल म्याड्रिडले सम्पर्क ग¥यो । र तपाईले होइन भन्न सक्नुहुन्न, त्यहाँ सधैं आकांक्षा राख्छन् ।’ ‘रियल बसाईको ९ वर्षपछि च्याम्पियन बनेर क्लब छाड्ने सपना साकार भएको छ । यी सपनाहरू पूरा गर्नु बाहेक, मैले सोचेकोभन्दा धेरै उपाधि जित्नु र उत्कृष्ट खेलाडीहरूसँग खेल्नुः मसँग राम्रो समय थियो । कसैले त्यो मबाट टाढा लैजान सक्दैन !

म मेरो टोलीका साथी प्रशिक्षक, चिकित्सक, वाल्डेबेबास र बर्नाबेउका कामदारहरूलाई सबैलाई समर्थनका लागि धन्यवाद दिन चाहन्छु र जुन मलाई कहिल्यै अभाव भएन । साथै फ्यानहरूलाई धन्यवाद दिन चाहन्छु किनभने उनीहरूले मलाई पहिलो दिनदेखि स्वागत गरे । ‘मैले एक साथीलाई भने कि मलाई थाहा छैन किन कामदारहरूले सिबेलेसको संरचना भत्काउँदैछन् किनभने १५औं आउँदैछ ! सधैंभरि भेटौं र हाला म्याड्रिड !’