एजेन्सी (हाम्रो खेलकुद) – यस वर्षका एसियाली फुटबल महासंघले घोषणा गरेका एसियाकै सर्वोत्कृष्ट खेलाडी ओमार अब्दुलरहमान आज राति हुने बार्सिलोना र अल अह्ली विरुद्धको मैत्रीपूर्ण खेलमा अल अह्लीबाट खेल्ने पक्का भएको छ।
साउदी अरेबियाको लिग च्याम्पियन टोलि अल अह्ली र क्याटलान टोलि बार्सिलोनाबीच आज रातको ९:४५ बजे मैत्रीपूर्ण खेल खेल्ने कार्यक्रम रहेको छ। कतारको दोहामा हुने खेलमा ओमारलाइ उनले खेल्ने क्लब बाहेकको क्लबबाट खेल्न विशेष अनुमति दिइएको हो। ओमारले अल आइनबाट व्यवासयिक फुटबल खेल्दै आएका छन्।
ओमरको कप्तानीमा रहेको अल आइनले एएफसी च्याम्पियन्स लिगको फाइनलमा कोरियन टोलि जेओनबक मोटर्ससंग पराजय भोगेको थियो। २५ वर्षीय मिडफिल्डर ओमारले सो प्रतियोगिताको सर्वोत्कृष्ट खेलाडीको उपाधि पनि जितेका थिए।
