रत्नजित, विष्णु र दीपेश दोस्रो चरणमा

काठमाडौं (हाम्रो खेलकुद)– रत्नजित तामाङसहित तीन नेपाली खेलाडी नेपाल डब्लूबिएफ योनेक्स सनराइज अन्र्राष्ट्रिय ब्याडमिन्टन सिरिज २०१६ पहिलो दिन मंगलबार मेन्स सिंगल्सको दोस्रो चरणमा पुगेका छन् ।

राखेप कभर्ड हलमा भएको खेलमा रत्नजितले पाकिस्तानका मोहम्मद इरफान सइद भट्टीलाई २१–१६,२५–२३ को सोझो सेटमा हराए । विष्णु कटुवालले बंलादेशका मोआजम हुसेनलाई २१–१०,२२–२० मा हराउँदै दोस्रो चरणको यात्रा तय गरे । दीपेश धामी भने वाकओभर पाएर अघि बढेका हुन् ।

अन्य नेपाली खेलाडी इरफान अन्सारी, विजित थापामगर, सुमन लिम्बु, दीपक बोहोरा, भुगोल गुरुङ र सञ्जिव खड्का पहिलो चरणमै पराजित भए । इरफान बंगलादेशका तुसार कृष्ण रोयसँग २१–१२,२१–८ ले, विजित भारतका सिद्धार्थ ठाकुरसँग २१–१०,२२–२० ले, सुमन भियतनाम डुक पाए ली २१–२,२१–११ ले, दीपक भारतका अमनकुमार २३–२१,२१–१० ले र सञ्जिव भारतका भारतकै मोहम्मद सलमान खानसँग २३–२१,२१–१० ले सँग सोझो सेटमा पराजित भएका थिए ।

नेपाली ४ खेलाडी उमन्स सिंगल्सको दोस्रो चरणमा प्रवेश गरेका छन् । तर, सबै जना वाइ पाएर अघि बढेका हुन् । वाइपाएर अघिल्लो चरण पुग्नेमा नङसलदेवी तामाङ, शिक्षा श्रेष्ठ, अमिता गिरी र मेघा चन्द छन् ।

अन्य नेपाली खेलाडी सुनैना मुखिया, शोभा गौचन, अनुमाया राई र जेसिका गुरुङ भने पहिलो चरणमा पराजित भए । सुनैना बंगलादेशकी अलिना सुलतानसँग २६–२४ ले, शोभा पाकिस्तनकी पलवश बसिरसँग २१–५,२१–८ ले, अनुमाया देवी युनितासँग २१–६,२१–१५ र जेसिका माल्दिभ्सकी माइसा इस्माइलसँग २१–१५,२१–१८ को सोझो सेटमा हारेकी थिइन् ।

बाइपाएर नेपालका तीन जोडी मिक्स डलब्सको क्वार्टरफाइनलमा पुगेका छन् । दिदिभाई नङसलदेवी र रत्नजितको जोडी, विजित र शिक्षा तथा विष्णु र अमिताको जोडी सिधै अन्तिम आठमा पुगेको हो । दीपेश धामी र पुजा श्रेष्ठको अर्को नेपाली जोडी भने भारतका राजेककृष्णन नविथाकृष्णन र बि बेङकटा रमाया तुलसी बेलुपुडीको जोडीसँग २१–१८,२०–२२,२१–८ ले पराजित भएको थियो ।

वल्र्ड ब्याडमिन्टन फेडेरेसन र एसियन ब्याडमिन्टनको स्वीकृतीमा नेपाल ब्याडमिन्टनसँगको आयोजनामा पाँच दिन सम्म चल्ने प्रतियोगिताको मन्त्री दीपक बोहराले उद्घाटन गरेका थिए । प्रतियोगितामा नेपालसहित ९ राष्ट्रका ७२ खेलाडीले पाँच इभेन्ट्समा प्रतिस्पर्धा गरिरहेका छन् ।

रत्नजित, विष्णु र दीपेश दोस्रो चरणमा

Latest News

Popular News

फुटबल

चेल्सी र लिभरपुलको जित

युरोपा लिग – ६ टोलीको नकआउट चरण पक्का

इस्ट बंगालको दोस्रो जित, एपिएफ रोकियो

चर्चित खेलहरु:

उपयोगी लिङ्कहरू

सम्पर्क

सामाजिक संजाल