सन्डरल्यान्ड (एन्जेसी)– सेस फाब्रिगासले सिजनमा पहिलो गोल गरेपछि चेल्सीले सन्डरल्यान्डमाथि १–० को जित हासिल गर्दै प्रिमियर लिगको शीर्षतालाई थप बलियो बनाएको छ । स्पेनिस मिडफिल्डरले ४० औं मिनेटमा १८ यार्डबाट गोल गरेपछि चेल्सीले लिगमा लगातार दसौं जित दर्ता गरेको हो ।
त्यसअघि एडनान याजुजाईको प्रहार पोस्ट नजिकबाट बाहिरिएको थियो । चेल्सीले अग्रता लिनुअघि पेद्रोको प्रहारलाई जोर्डन पिकफोर्डले रोकेका थिए । विलियनको पासमा पेनाल्टी बक्सको लाइनबाट फाब्रिगासले गरेको गोल नै खेलको निर्णायक बन्यो । विलियनले अग्रतालाई दोब्बर गर्ने मौका थिए । १६ खेलको समाप्तीमा ४० अंक जोडेको चेल्सीले दोस्रो स्थानको लिभपरपुललाई ६ अंकले पछि पारेको छ ।
लिगका अन्य खेलमा लिभरपुल, म्यानचेस्टर सिटी, टोटेनह्याम, म्यानचेस्टर युनाइटेड जस्ता शीर्ष टोली पनि विजयी भएका छन् । त्यस्तै वेस्ट ह्याम युनाइटेड र वेस्ट ब्रुमविचले पनि जित निकालेका छन् भने स्टोक र साउथ ह्याम्टनले बराबरी खेलेका छन् ।
