2 years ago
July 24, 2022
काठमाडौं (हाम्रो खेलकुद) – अखिल नेपाल फुटबल संघ (एन्फा) ले अर्काे महिना घरेलु मैदानमा आयोजना हुने महिला साफ च्याम्पियनसिपको लागि बन्द प्रशिक्षणमा ५८ खेलाडीलाई बोलाएको छ ।
मुख्य प्रशिक्षक कुमार थापाले राष्ट्रिय खेलकुद परिषद (राखेप) ले १९औं एशियाली खेलकुदका लागि प्रशिक्षणमा रहेका ४० खेलाडी र थप १८ गरी ५८ खेलाडीलाई प्रशिक्षणमा बोलाएका हुन् । प्रशिक्षण सोमबार सुरु हुने एन्फाले जनाएको छ ।
प्रशिक्षणमा बोलाइएको खेलाडीको सुचीमा चोटका कारण टोली बाहिर रहेकी नियमित कप्तान रेनुका नगरकोटे पनि रहेकी छिन् । गत महिना प्रशिक्षण दौरान सरस्वती ऐरको ट्याकलमा पर्दा सन्तुलन गुमाउँदै मैदानमा लडेकी रेनुकाको शरीरको बायाँ भागको क्लाभिकल (कलरबोन अर्थात घाँटीमुनिको हड्डी) फ्याक्चर भएको थियो । उनको त्यति बेला नै शल्यक्रिया गरिएको थियो ।
महिला साफ च्याम्पियनसिप भदौं २१ देखि असोज ३ गते सम्म आयोजना हुँदैछ । च्याम्पियनसिपका खेलहरु दशरथ रंगशाला हुने सम्भावना छ । आयोजक नेपालसहित दक्षिण एसियाका सातै राष्ट्र भारत, बंगलादेश, श्रीलंका, बंगलादेश, पाकिस्तान, माल्दिभ्स र भुटानको सहभागिता रहनेछ । पाँच पटकको विजेता भारत प्रतियोगिताको स्वभाविक दावेदारको रुपमा रहेको छ ।
टोलीको मुख्य प्रशिक्षकमा थापा र व्यवस्थापकमा विन्द्रा देवान रहेकी छिन् । साफका लागि रविन्द्र चन्द भेन्यु म्यानेजर, विजय घले लोकल जनरल कोअर्डिनेटर तथा दिनेश व्यन्जनकार सुरक्षा प्रमुख रहनेछन् । संजिव शिल्पकारले मार्केटिङ, ब्रोडकास्ट र डिजिटल राइट्सको जिम्मेवारी पाएका छन् ।
प्रारम्भिक चरणमा बोलाइएका खेलाडी
एन्जिला तुम्बाप्पो सुब्बा, अन्जना राना मगर, उषा नाथ, कविता विक, अमृता जैशी, गीता राना, पुनम जर्घा मगर, हिरा कुमारी भुजेल, पुजा राना, बिमला बिक, सृजना सिंह, निशा थोकर, सलोनी रानामगर, श्रृजना चेम्जोङ, समिक्षा घिमिरे, रेनुका नगरकोटे, सरु लिम्बु, बिमला चौधरी, अनिता बस्नेत, प्रिति राई, दीपा राई, इन्दिरा राई, मन्जली कुमारी योन्जन, निर्मला उपाध्यय, दीपा शाही, हेमा चौधरी, बिर्सना चौधरी, सरस्वती ऐर, सुमित्रा सिंह पाख्रिन, सावित्रा भण्डारी, अनिता केसी, सरस्वती रोकाय, निर्मला विक, सविता रानामगर, रश्मी कुमारी घिसिङ, रजनी थोकर, चन्द्रा भण्डारी, अमिषा कार्की, रेखा कुमारी पौडेल, कुसुम खतिवडा, सम्झना चौधरी, सावित्री किसान, गंगा गुरुङ, मोनिका कुशवार, सविना चौधरी, रोजिना श्रेष्ठ, रेनुका हमाल, कुमारी तामाङ, रेविका पाण्डे, मोनिका पुलामी मगर, सुनकला राई, दिल कुमारी रानामगर, पुर्णिमा हमाल, दिपा न्यौपाने, सिर्जना खड्का, सन्जु कुमाल, रजनी थोकर र सदिपा भोलान
May 19, 2024
काठमाडौं (हाम्रो खेलकुद) – खेलको अन्तिम समयमा जित निकाल्दै आरसी ३२ फुटबल एकेडेमी जारी सहिद स्मारक ‘सि’ डिभिजन लिगको शीर्ष स्थानमा उक्लिएको छ । अयोग्य खेलाडी खेलाएको भन्दै एन्फाले अंक घटाएपनि आईतवार भएको खेलमा गोलबजार स्पोर्ट्स क्लब माथि २-१ को रोमाञ्चक जित सहित आरसी ३२ शीर्ष स्थानमा पुगेको छ । खेल १-१ को बराबरीमा रहेको […]
May 19, 2024
एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]