7 years ago
December 19, 2016
हाम्रो खेलकुद (काठमाडौँ) – गत शनिबार सातदोबाटो स्थित एन्फा कम्प्लेक्सको आर्टिफिसियल तर्फ मैदानमा मलेसिया र नेपालको महिला राष्ट्रिय टोलिबीच अन्तराष्ट्रिय मैत्रीपूर्ण खेलको आयोजना भयो। नेपाली महिला फुटबलको इतिहासमै पहिलोपटक नेपाली टोलीले नेपाली भूमिमा अन्तराष्ट्रिय मैत्रीपूर्ण खेल खेले। पहिलोपटक नेपालमा खेलिएको मैत्रीपूर्ण खेल आफैंमा पहिलो छदैं थियो, संगसंगै छ नेपाली खेलाडीले पनि आफ्नो पहिलो क्याप जिते। […]
हाम्रो खेलकुद (काठमाडौँ) – गत शनिबार सातदोबाटो स्थित एन्फा कम्प्लेक्सको आर्टिफिसियल तर्फ मैदानमा मलेसिया र नेपालको महिला राष्ट्रिय टोलिबीच अन्तराष्ट्रिय मैत्रीपूर्ण खेलको आयोजना भयो।
नेपाली महिला फुटबलको इतिहासमै पहिलोपटक नेपाली टोलीले नेपाली भूमिमा अन्तराष्ट्रिय मैत्रीपूर्ण खेल खेले। पहिलोपटक नेपालमा खेलिएको मैत्रीपूर्ण खेल आफैंमा पहिलो छदैं थियो, संगसंगै छ नेपाली खेलाडीले पनि आफ्नो पहिलो क्याप जिते। खेलाडीको साथमा महिला टोलीका नवनियुक्त प्रशिक्षक कुमार थापाले पनि सोहि खेलमार्फत अन्तराष्ट्रिय जगतमा प्रशिक्षकका रुपमा आफ्नो पहिलो खेल खेलाए।
प्रशिक्षक थापाले आफ्नो नियुक्तिसंगै राष्ट्रिय टोलीमा आमुल परिवर्तन आउने संकेत दिइसकेका छन्। खेलाडी छनोट प्रक्रिया देखि खेल खेल्ने तरिका र टोलीको संरचनामानै आमुल परिवर्तन आएको आभास अहिले भइरहेको छ। साफको लागि घोषणा गरिएको अन्तिम २० खेलाडीमा सात नयाँ खेलाडी रहेका छन्। ति सात मध्ये छ खेलाडीले शनिबार भएको खेलमा डेब्यु गरे। आफ्नो पहिलो खेलमा सुटमा उत्रिएका प्रशिक्षक थापा पुरै समय टचलाइनमा उभिएर खेलाडीलाई निर्देशन दिनमै व्यस्त देखिए।
तिन खेलाडीले सुरुवाती एघारमा स्थान पाएका थिए भने तिन खेलाडी वैकल्पिक खेलाडीको रुपमा मैदान प्रवेश गरेका थिए। परम्परागत ४-४-२ भन्दा केहि फरक रणनीतिमा उत्रिएको नेपालले समयानुसार खेलको संरचनामा परिवर्तन ल्याएको थियो। अन्तराष्ट्रिय जगतमा फुलब्याकहरु आक्रमणमा जाने पद्दतिलाई मलेसियाविरुद्धको खेलमा थापाले प्रयोगमा ल्याएका थिए। खेलको अधिकांश समय आफ्नै खुट्टामा बल राख्न सफल नेपाली टोलीले गोलको अवसर सिर्जना गरेपनि विपक्षी गोलरक्षकको उत्कृष्ट खेलको कारण १-०को जित्मै चित्त बुझाउनु परेको थियो।
खेलाडी छनोटमा प्रधानसेनापति कपका उत्कृष्ट र आशालाग्दा ५० खेलाडीलाई प्रशिक्षक थापाले दश दिने प्रशिक्षणमा डाकेका थिए। २० राष्ट्रिय खेलाडीसमेत जम्मा ७२ जनाबाट छानेर अहिलेको अन्तिम २०को छनोट भएको हो। विगतमाझैं राष्ट्रिय टोलीका खेलाडीहरुलाई अन्त्यमा डाक्ने चलनको पनि अन्त्य गरे थापाले। उनले बाहिरका र राष्ट्रिय टोलीका गरि ४२जनाबाट ३० जानलाई छानेर २ साता प्रशिक्षण पछि अन्तिम २०को छनोट गरेका थिए।
अन्तिम २०मा सात नयाँ खेलाडीको आगमन हुँदा निरु थापा, लक्ष्मी पौडेल, घिम कुमारी गुरुङ, अमृता जैशी जस्ता पछिल्लो पटक सुरुवाती एघारमा परेका अनुभवी खेलाडीहरुको पत्ता साफ भएको थियो। युवा जोश र प्रशिक्षकको संरचनामा फिट खेलाडीलाई मात्र आफ्नो टोलीमा स्थान दिने थापाको प्रण अन्तिमसम्म कायमै रह्यो।
थापाले घोषणा गरेको अन्तिम २०मा १५ वर्षदेखि २६ वर्ष सम्मका खेलाडी सामेल छन्। यस टोलीको औसत उमेर मात्र २२ वर्ष छ भने कप्तान रेनुका पनि २२ वर्ष पुग्न लागेकी छन्।
टोलीले अहिलेनै लय समात्ने कुरामा भने दुइमत होला तर आउने दिनमा थापाकै नेतृत्व रहने हो भने यो टोलीले राम्रो नतिजा दिनेमा भने दुविधा छैन।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]