लिभरपुल (एजेन्सी) – इङ्गलिश प्रिमिएर लिग अन्तर्गत सोमबार राति भएको खेलमा लिभरपुलले घरेलु प्रतिद्वन्दि एभर्टनलाई १-०ले हराएको छ।
एभर्टनको घरेलु मैदान गुडिसन पार्कमा भएको खेलमा लिभरपुका साडियो मानेले इन्जुरी समयको चौथो मिनेटमा गोल गर्दै जित पक्का गरेका थिए। खेल गोलरहित बराबरीतर्फ अग्रसर भइरहँदा गरेको गोल लिभरपुललाई तिन महत्वपूर्ण अंक दिलाउन काफि रह्यो।
यस जितसंगै लिभरपुल ३७ अंक बोकेर लिग तालिकाको दोश्रो स्थानमा उक्लिएको छ।
