एजेन्सी – फ्रान्सेली लिग वान क्लब निसले आइभोरी कोस्टका विंगर निकोलस पेपेलाई इंग्लिस क्लब आर्सनलबाट अनुबन्ध गरेको छ ।

निसले २७ वर्षीय पेपेलाई एक सिजनको लागि लोनमा क्लबमा अनुबन्ध गरेको हो । आर्सनलको कीर्तिमानी मुल्य ७२ मिलियन युरोमा क्लबमा आबद्ध भएका उनी यो सिजन लोनमा निसमै हुनेछ । निसले बिहीबारै पेपेलाई क्लबमा सार्वजनिक गरिसकेको छ ।

आर्सनलले सन् २०१९ मा पेपेलाई ७२ मिलियन पाउन्ड खर्चिएपनि उनले क्लबमा आफ्नो मुल्य अनुसारको प्रदर्शन गर्न सकेनन् । उनले गत सिजन ५ खेलमा सुरुवात गर्दा २३ खेल खेले र ३ गोल गर्न सफल भएका थिए ।

पेपे तीन सिजनपछि फ्रेन्च लिग वानमा फर्किएका हुन् । उनले यसअघि दुई सिजन लिलबाट फ्रेन्च लिग खेलेका थिए । लिलमा आफ्नो प्रभाव जमाएका पेपेले आर्सनलमा आफ्नो जाँदु देखाउन सकेन ।

आर्सनलका सबै जनाले पेपेलाई निसमा राम्रो प्रदर्शनकको लागि शुभकामना दिएका छन् । आर्सनलमा पेपेको सम्झौता सन् २०२४ को अन्त्यसम्म रहेको छ । निसले यो सिजन लोनमा आबद्ध गरेका पेपेलाई यो सिजनपछि नै स्थायी खेलाडी बनाउन पाउने प्रावधान छ ।

२७ वर्षीय पेपेले आर्सनलका लागि तीन सिजनमा ११२ खेलमा २७ गोल गरेका छन् । आर्सनलका प्रशिक्षक मिकेल अर्टेटाले यो समरमा आफ्नो टोलीलाई बलियो बनाएको छ ।

गाब्रियल जेसस, फावियो भिएरा र युवा ब्राजिलियन मार्किन्होससँगै पेड्रो नेटोलाई पनि क्लबमा आबद्ध गरिसकेको छ । टोली ३ खेलमा ३ जितसहित शीर्षस्थानमा रहेको छ ।