2 years ago
September 6, 2022
काठमाडौं (हाम्रो खेलकुद)– साफ च्याम्पियनसिप र दक्षिण एसियाली खेलकुद (साग) मा नेपाल सदाबहार दाबेदार मध्येको एक टोली हो । साफ च्याम्पियनसिपको पछिल्लो ५ संस्करण मध्ये ४ वटा फाइनल खेलेबाटै नेपालको दाबेदारी बलियो छ । तर, उपाधि जित्न भने असफल रहँदै आएको छ ।
सन् २०१६ को चौथो चरणमा भने नेपाल सेमिफाइनलबाट बाहिरिएको थियो । फाइनल र एक पटकको सेमिफाइनल सबैमा नेपाल भारतसँग पराजित हुँदै आएको छ । तुलानात्मक रुपमा अन्य टोली भने नेपालका लागि सहज मानिदै आएको छ ।
नेपालले साफ च्याम्पियनसिप सधैं दमदार सुरुवात गर्दै आएको छ । नेपालले हरेक पटक पहिलो खेल जित्दै आएको छ ।
नेपालले चौथो पटक पहिलो खेलमा भुटानको सामना गर्दैछ । च्याम्पियनसिपकै उद्घाटन खेलमा आज नेपाल र भुटानबीच प्रतिस्पर्धा हुँदैछ । सुरुवाती दुई संस्करणबाहेक सबैमा नेपालको पहिलो खेलको प्रतिद्वन्द्वि भुटान रहँदै आएको छ ।
भुटानलाई तेस्रो र चौथोमा समान ८–० ले हराएको थियो । पछिल्लो पटक पाँचौं संस्करणमा भने नेपाल ३–० ले मात्र विजयी भएको थियो । यसरी हेर्दा भुटानले नेपालसँगको अन्तरलाई घटाएको छ । पहिलो दुई संस्करणको पहिलो खेलमा भने नेपालले मादिल्स्लाई ६–० र पाकिस्तानलाई ८–० ले हराएको थियो ।
पछिल्ला तीनै संस्करणमा भुटानविरुद्ध फरवार्ड सावित्रा भण्डारी ‘साम्बा’ले गोल गरेकी छिन् । तेस्रो र पाँचौं संस्करण भुटानविरुद्ध १ गोल गरेकी तथा चौथो संस्करणमा भने ६ गोल गरेकी थिइन् । सन् २०१४ संस्करणबाट नेपाली टोलीबाट खेल्दै आएकी सावित्रा अहिले पनि टोलीको मुख्य फरवार्डका रुपमा रहेकी छन् ।
साफ च्याम्पियनसिपमा नेपालको पहिलो खेल
वर्ष – प्रतिद्वन्द्वी – नतिजा
२०१० माल्दिभ्स ६–०
२०१२ पाकिस्तान ८–०
२०१४ भुटान ८–०
२०१६ भुटान ८–०
२०१९ भुटान ३–०
May 19, 2024
एजेन्सी – इंग्लिश प्रिमियर लिग २०२३/२४ सिजनको विजेताको टुंगो आज लाग्दैछ । पछिल्लो तीन सिजनको विजेता म्यानचेस्टर सिटी र आर्सनल मध्य एक टोलीले आज लिग उपाधि उचाल्ने छ । लिग लिडर सिटीले आज ८:४५ बजे वेस्ट ह्यामसँग अन्तिम खेल खेल्दैछ । सोही समयमा दोस्रो स्थानमा रहेको आर्सनलले एभर्टनसँग खेल्दैछ । सिटीले आफु अनुकुल नतिजा निकाल्न […]
May 18, 2024
ललितपुर (हाम्रो खेलकुद) – काठमाडौं महानगरपालिकाले गोदावरी प्रथम उपत्यकाब्यापी अन्तर पालिका मेयर कप फुटबल प्रतियोगिताको उपाधि जितेको छ । प्रस्तावित गोदावरी बहुउदेश्यीय रंगशालाको झ्यालुन्टार मैदानमा शनिबार भएको फाइनलमा चन्द्रागिरी नगरपालिकालाई २–१ गोल अन्तरले हराउँदै काठमाडौं च्याम्पियन बनेको हो । काठमाडौंका लागि अखिलेष कार्की र दीपेश श्रेष्ठले गोल गरे । उपाधिका साथ काठमाडौंले ५ लाख रुपैयाँ […]
May 18, 2024
हिमाल खरेल, बिर्तामोडआयोजक पूर्वेली युवा क्लब रातो बिर्तामोडमा जारी स्वर्गीय दुर्गादेवी श्रेष्ठ स्मृति भेट्रान्स फुटबल प्रतियोगिताको फाइनलमा प्रवेश गरेको छ । बिर्तामोडको डोमालाल राजवंशी रंगशालामा आज भएको अन्तिम सेमिफाइनल खेलमा मोरङको विराट मेगा भेट्रान्स एफसीलाई ५–० ले पराजित गर्दै आयोजक रातो उपाधिनजिक पुगेको हो । जितसँगै आयोजक पूर्वेलीका दुवै टिम फाइनलमा पुगेका छन् । दुवै […]