default_image

2 years ago

September 12, 2022

श्रीलंकाविरुद्ध नेपाली टोलीमा २ परिवर्तन

काठमाडौं (हाम्रो खेलकुद) – छैटौं साफ च्याम्पियनसिप २०२२ अन्तर्गत समूह बी को अन्तिम खेलमा नेपालले आज श्रीलंकाको सामना गर्दैछ । साँझ ५:३० बजे सुरु हुने खेलका लागि नेपाली टोलीले पछिल्लो खेलबाट दुई खेलाडी परिवर्तन गरेको छ । फरवार्ड सावित्रा भण्डारीलाई डेंगी संक्रमण भएपछि उनी आज विश्राममा छिन् । उनको स्थानमा रश्मीकुमारी घिसिङले सुरुवाती ११ मा […]

46 views

0 Bookmark

काठमाडौं (हाम्रो खेलकुद) – छैटौं साफ च्याम्पियनसिप २०२२ अन्तर्गत समूह बी को अन्तिम खेलमा नेपालले आज श्रीलंकाको सामना गर्दैछ । साँझ ५:३० बजे सुरु हुने खेलका लागि नेपाली टोलीले पछिल्लो खेलबाट दुई खेलाडी परिवर्तन गरेको छ ।

फरवार्ड सावित्रा भण्डारीलाई डेंगी संक्रमण भएपछि उनी आज विश्राममा छिन् । उनको स्थानमा रश्मीकुमारी घिसिङले सुरुवाती ११ मा स्थान पाएकी छिन् । त्यस्तै अमिशा कार्कीको स्थानमा रेखा पौडेलले सुरुवात गर्दैछिन् । भुटानविरुद्ध दोस्रो हाफमा रेखाले नै अमिशाको स्थान लिएकी थिइन् ।

टोलीको गोलरक्षकमा कप्तान एन्जिला तुम्बापो सुब्बा नै छिन् । डिफेन्समा हिरा भुजेल, गीता राना, पुनम जर्घा मगर र अमृता जैशी निरन्तर छन् । मिडफिल्डमा अनिता बस्नेत, सरु लिम्बु, दीपा शाही र अनिता केसीले खेल्नेछन् । आक्रमण रेखा र रश्मीको जोडीले सम्हाल्नेछ ।

टोलीकी फिजियो नविना श्रेष्ठ वैद्यले सावित्रालाई डेंगी संक्रमण भएको जानकारी दिइन् । ‘सावित्रालाई डेंगी लागेको छ । उनको स्वास्थ्य स्थिति राम्रो छ तर रिपोर्ट पोजेटिभ आएको हो । आजको खेल विश्राम गर्नेछिन् ,’ उनले जानकारी दिइन् । सावित्रासँगै गोलरक्षक प्रशिक्षक सुरज मोक्तानलाई पनि डेंगी लागेको छ ।

महिला राष्ट्रिय टोलीमा यसअघि विंगर मन्जली कुमारी योन्जनलाई पनि डेंगी संक्रमण भएको थियो । भुटानविरुद्ध पहिलो खेलको दिन ज्वरो आएपछि उनलाई विश्राम दिइएको थियो । भोलीपल्ट उनलाई संक्रमण देखिएको थियो । मन्जली सोमबार पनि अस्पतालमै छिन् । उनलाई मंगलबार डिस्चार्ज गर्ने तयारी भएको छ ।

सावित्राको स्वास्थ्य अवस्था सामान्य रहेकाले उनी टिम होटेलमै छिन् । उनले श्रीलंकाविरुद्ध खेलमा भने खेल्ने छैनन् । सावित्राले पहिलो खेलमा २ गोल गरेकी थिइन् ।

नेपालले समूहको पहिलो खेलमा भुटानलाई ४-० ले हराउँदै सुखद सुरुवात गरेको थियो । भुटानले त्यसपछि दोस्रो खेलमा श्रीलंकालाई ५-० ले पराजित गर्दै सेमिफाइनलमा स्थान पक्का गरिसकेको छ । आजको खेलमा जित वा बराबरीले नेपाल सेमिफाइनलमा प्रवेश गर्नेछ । २ गोल अन्तरको हारले पनि नेपालले सेमिफाइनलमा स्थान बनाउनेछ ।

April 20, 2024

हालान्डले चेल्सीविरुद्धको खेल गुमाउने सम्भावना!

एजेन्सी – म्यानचेस्टर सिटीका नर्वेली फरवार्ड एर्लिङ ब्राउट हालान्डले चेल्सीविरुद्ध हुने एफए कपको सेमिफाइनल गुमाउने सम्भावना बढेको छ । एफए कपको सेमिफाइनलमा आज राति सिटीले चेल्सीसँग वेम्वली स्टेडियममा प्रतिस्पर्धा गर्दैछ । बुधबार च्याम्पियन्स लिगको क्वाटरफाइनलको दोस्रो लेगमा रियल म्याड्रिडसँग टाइब्रेकरमा ४–३ पराजित हुँदा समस्या देखिएपछि हालान्डलाई अन्तिम समयमा परिवर्तन गरिएको थियो । सिटीका प्रशिक्षक पेप […]

April 20, 2024

माने चम्कँदा अल नासरको पूनरागमन जित

एजेन्सी – सेनेगली फरवार्ड साडियो मानेको उच्च प्रदर्शनमा अल नासरले साउदी प्रो लिगमा सानदार पूनरागमन जित निकालेको छ । घरेलु मैदानमा १-० ले पछि परेको स्थिति उल्ट्याएर अल नासरले अल फयामाथि ३-१ को सानदार पूनरागमन जित दर्ता गरेको हो । अल नासरको जितमा साडियो मानेले २ तथा अब्दुलेह अल एम्रीले १ गोल गरे । अल […]

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

Success

Thank you for your time.