स्पेन (एजेन्सी) – धेरै खेलाडी र खेल विश्लेषकहरुको दृष्टिकोण मान्ने हो भने बार्सिलोनाका लियोनल मेस्सी र रियल मड्रिडका रोनाल्डो मध्ये को राम्रो यसै भन्ने सकिन्न । तर बार्सिलोनाका मिडफिल्डर सर्जी रोबर्टोको नजरमा भने रोनाल्डो मेस्सीसँग दाँजिन योग्य छैनन् ।

‘मेस्सी संसारका सबै भन्दा राम्रा खेलाडी हुन् । उनलाई रोनाल्डोसँग तुलना गर्न मिल्दैन’, २४ बर्षिय स्पेनिसले भने, ‘बालोन डी’ओर हेर्दा रोनाल्डो मेस्सीको नजिक होलान् तर अन्य खुबी हेर्ने हो भने मेस्सी रोनाल्डो भन्दा निकै अगाडि छन् । उनलाई रोनाल्डोसँग दाँज्न कुनै हालतमा मिल्दैन ।’

ला लिगामा रियल अगाडि रहेको बारेमा बोल्दै रोबर्टोले भने,‘ मड्रिड यो सिजन भाग्यशाली रह्यो । हुन त लिग नसकिएसम्म केहि भन्न सकिन्न , अन्तिम समयमा खेलको अवस्था परिवर्तन हुन सक्छ, तर यो सिजन रियल कैंयौं पटक अन्तिम मिनेटमा फ्रि किक वा कर्नरबाट गोल गर्दै बराबरी हुने खेल आफ्नो पक्ष्यमा पार्न सफल भएको छ ।’

मिड सिजन ब्रेकमा रियलले बार्सिलोनालाई ३ अंकले पछि पारेको छ । बार्सिलोना भन्दा रियलले १ खेल कम खेलेको छ । गत बार्सिलोना ला लिगमा प्रतिस्पर्धा गरिरहँदा रियल क्लब विश्व कप खेल्न जापान पुगेको थियो । रियल क्लब विश्व कपको उपाधि जितेर स्पेन फर्किसकेको छ ।