default_image

2 years ago

September 19, 2022

साफ च्याम्पियनसिपमा नेपाललाई इतिहास रच्ने मौका

काठमाडौं (हाम्रो खेलकुद)– नेपाली फुटबल अर्को ऐतिहासिक उपलब्धीको एक कदम टाढा छ । दशरथ रंगशालामा बंगलादेशविरुद्ध हुने महिला साफ च्याम्पियनसिपको उपाधि जित्न सके नेपाल पहिलो पटक दक्षिण एसियाको प्रतिष्ठित प्रतियोगिताको च्याम्पियन बन्नेछ । दक्षिण एसियाली फुटबल महासंघ (साफ) ले आयोजना गर्ने साफ च्याम्पियनसिपमा अहिले सम्म नेपाली पुरुष वा महिला दुवै टोली च्याम्पियन बन्न सकेको छैन […]

182 views

0 Bookmark

काठमाडौं (हाम्रो खेलकुद)– नेपाली फुटबल अर्को ऐतिहासिक उपलब्धीको एक कदम टाढा छ । दशरथ रंगशालामा बंगलादेशविरुद्ध हुने महिला साफ च्याम्पियनसिपको उपाधि जित्न सके नेपाल पहिलो पटक दक्षिण एसियाको प्रतिष्ठित प्रतियोगिताको च्याम्पियन बन्नेछ ।

दक्षिण एसियाली फुटबल महासंघ (साफ) ले आयोजना गर्ने साफ च्याम्पियनसिपमा अहिले सम्म नेपाली पुरुष वा महिला दुवै टोली च्याम्पियन बन्न सकेको छैन । पटक पटक फाइनल खेलेको नेपाली महिला टोली उपाधिबाट विमुख हुँदै आएको छ ।

पुरुष टोलीको अवस्थामा भने फरक छ । साफ च्याम्पियनसिपको इतिहासमा नेपालको पुरुष टोली गत वर्ष पहिलो पटक फाइनल पुगेको थियो । महिला र पुरुष साफ च्याम्प्यिनसिप आयोजनामा १७ वर्षको अन्तर छ । सार्क गोल्ड कपको नाममा सन् १९९३ पहिलो पटक आयोजना भएको साफ च्याम्प्यिनसिपले १३ औं संस्करण पूरा गरिसकेको छ ।

भारत सर्वाधिक ८ पटक च्याम्पियन हुँदा माल्दिभ्सले २, बंगलादेश, श्रीलंका र अफगानिस्तानले समान १ पटक जितेका छन् । गत वर्ष पहिलो पटक फाइनल खेल्नु नै नेपालको अहिले सम्मको सफल नतिजा हो ।

महिलातर्फको कथा भने फरक छ । सन् २०१० मा सुरु भएको च्याम्पियनसिपको छैटौं संस्करणको सोमबार फाइनल हुँदैछ । यसअघिका सबै संस्करण भारतले जितेको थियो । पहिलो पटक भारत विना फाइनल हुँदैछ । नेपाल र बंगलादेश जो जित्दा पनि साफ च्याम्पियनसिपमा नयाँ च्याम्पियन टोलीको इतिहास बन्नेछ ।

भारतपछिको सफल टोली नेपाल हो । जसले चौथोबाहेक सबै संस्करणको फाइनल खेलको छ । नेपाल सेमिफाइनलबाट बाहिरिएको २०१६ को संस्करणमा एकपटक बंगलादेशले भारतविरुद्ध फाइनल खेलेको थियो ।

भारतपछि फाइनलका लागि अनुभवी टोली नेपाल नै हो । तर, जसरी यो च्याम्पियनसिपमा बंगलादेशले प्रदर्शन गरिएको छ त्यसमा सचेत भने हुनैपर्ने हुन्छ । पछिल्लो झण्डै सात वर्षदेखि बंगलादेशको महिला टोलीले फुटबलमा एकपछि अर्को खुड्किलो चढ्दै आएको त्यो साच्चै लोभलाग्दो छ । यसपटक समूह चरणमा भारतमाथि जसरी बंगलादेशले लोभलाग्दो प्रदर्शन गर्यो त्यो लामो समय धेरैको स्मरणमा रहनेछ ।

फाइनल अघि यसपटक नेपाल र बंगलादेशको मुख्य परिक्षण नै भारतसँग थियो । दुवै टोलीले भारतमाथि पहिलो पटक जित निकाल्दै इतिहास रचिसकेका छन् । यसअघि कुनै पनि संस्करणमा भारत कुनै टोलीसँग पराजित भएको थिएन । भारतलाई नेपालले सेमिफाइनलमा १–० ले र बंगलादेशले त्यसअघि समूह चरणमा ३–० ले हराएको थियो । भारतमाथिको जितसँगै फाइनल पुगेको दुवै टोली इतिहास रच्न आतुर छन् ।

साफ च्याम्पियनसिपमा मात्र इतिहास हेर्ने हो भने बंगलादेशमाथि नेपाल सधै हावी हुँदै आएको छ । यसअघि समूह चरणमा दुई पटक र सेमिफाइनलमा एक पटक भेट हुँदै सबैमा नेपाललाई नै सफलता मिलेको थियो । सबैखाले प्रतिस्पर्धामा ८ पटक एकअर्काविरुद्ध खेल्दा नेपालले ६ पटक जितेको छ भने दुई खेल बराबरीमा टुंगिएको थियो । गत वर्ष दशरथ रंगशालामै खेलिएका दुई मैत्रीपूर्ण खेलमा पहिलो खेलमा नेपाल २–१ ले विजयी भएको थियो भने दोस्रो खेल गोलरहित बराबरीमा टुंगिएको थिए ।

त्यसयता सोमबार पहिलो पटक नेपाल र बंगलादेशले एकअर्काको सामना गर्दा जसले सफलता प्राप्त गर्नेछ त्यसले साफ च्याम्पियनसिपमा नयाँ इतिहास रच्नेछ ।

साफ च्याम्पियनसिपमा नेपाल र बंगलादेशबीचको नतिजा

वर्ष नेपाल बंगलादेश खेल
२०१०, ३ -० सेमिफाइनल
२०१४, १ -० सेमिफाइनल
२०१९ ३ -० समूह चरण

साफ च्याम्पियनसिपको विजेता र उपविजेता

वर्ष विजेता उप विजेता गोल
२०१०, भारत नेपाल १–०
२०१२, भारत नेपाल ३–१
२०१४, भारत नेपाल ६–०
२०१६, भारत बंगलादेश ३–१
२०१९, भारत नेपाल ३–०
२०२२, ? ? ?

April 19, 2024

इंग्लिस क्लब च्याम्पियन्स र युरोपा लिगकाे क्वाटरफाइनलबाटै बाहिर

एजेन्सी – विश्व फुटबलमा सर्वाधिक चर्चित र बढी हेरिने इंग्लिस प्रिमियर लिगका टोलीहरु यसपल्ट युरोपेली क्लब फुटबलको सबैभन्दा ठुलो युइएफए च्याम्पियन्स लिग र युरोपा लिगको क्वाटरफाइनलबाटै बाहिरिएका छन् । यससँगै २१औं शताब्दीमा तेस्रोपटक इङ्ल्यान्डका कुनैपनि टोली च्याम्पियन्स लिग र युरोपा लिगको सेमिफाइनलमा पुग्न असफल भएको हो । यसअघि इंंग्लिस टोली सन् २००२–०३ र २०१४–१५ को […]

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

Success

Thank you for your time.