2 years ago
October 22, 2022
एजेन्सी – अर्जेन्टिनी फरवार्ड लियोनेल मेस्सी र फ्रान्सेली फरवार्ड केलियन एमबाप्पे चम्कदा पेरिस सेन्ट जर्मेन (पिएसजी) ले फ्रेन्च लिग वानमा सहज जित हात पारेको छ ।
शीर्षस्थानमा रहेको पिएसजीले रेलिगेसन जोनमा संघर्ष गरिरहेको एसी एजासियोलाई उसकै मैदानमा ३–० ले पराजित गरेको हो । पिएसजीको जितमा एमबाप्पेले दुई तथा मेस्सीले एक गोल गरे । मेस्सीले दुई असिस्ट दिदा एमबाप्पेले एक असिस्ट प्रदान गरे ।
एजासियोमा शुक्रबार राति भएको खेलको २४औं मिनेटमा एमबाप्पेको गोलबाट पिएसजीले सुरुवाती अग्रता लिएको थियो । उनले मेस्सीको पासलाई सदुपयोग गरेका थिए ।
दोस्रो गोलको लागि भने पिएसजीले खेलको अन्तिम समय नै कुर्नप¥यो । ७९औं मिनेटमा मेस्सीले एमबाप्पेको पासमा गोल गर्दै पिएसजीको अग्रता दोब्बर पारे । त्यसको तीन मिनेटपछि एमबाप्पेले मेस्सीको पासमा व्यक्तिगत दोस्रो र टोलीका लागि तेस्रो गोल गर्दै पिएसजीलाई ३–० को सहज जित दिलाए ।
यस जितसँगै अपराजित रहँदै शीर्षस्थानमा रहेको पिएसजीको १२ खेलबाट ३२ अंक पुगेको छ । पिएसजीले १० जित र २ बराबरीको नतिजा निकालेको छ ।
पिएसजीले दोस्रो स्थानमा रहेको लोरिएन्टलाई ६ अंकले पछि पारेको छ । लोरिएन्टले एक खेल कम खेलेको छ । पराजित एजासियो ८ अंक जोडेर १८औं स्थानमा छ ।
May 17, 2024
एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]
May 17, 2024
एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]
May 16, 2024
ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]
