पोखरा (हाम्रो खेलकुद) – काठमाडौंका सिएमजी क्लब र नाइट किंग क्लबसानो गौचरन छैठौ संस्करणको एसओएस गु्रप बगर भाइखलक एट ए साइड भेट्रान फुटबल प्रतियोगिता उपाधिका लाडि भिड्ने भएका छन् ।
पोखरा बगर स्थित पुरानो टुडिखेल मैदानमा सिएमजीले फोर्टी फाउन्डेशनलाई टाइव्रेकर ३–२ ले हरायो । निर्धारित समयमा १–१ बराबरीपछि टाइब्रेकरमा सिएमजी विजयी भएको थियो । अर्को सेमिफाइनलमा नाइट किंगले हेटौडा भेट्रान मकावनपुर लाई २–० ले हरायो । गोल अन्तरले पाखा लगायो ।
त्यसअघि फोर्टी फाउन्डेशनले क्लव मोशिसलाई २–० ले, हेटौडाले लायन्स क्लव अफ मोनाल पोखरालाई २–१ ले, सिएमजीले विरगंज युनाइटेडलाई १–० ले र नाइट किंगले आयोजक बगर भाइखलक ए लाइ १–० ले हराउँदै सेमिफाइनलको यात्रा तय गरेका थिए ।
बगर भाइ खलकको आयोजनामा जारी प्रतियोगिताको विजेताले उपाधिसहित ७५ हजार र दोस्रो हुने टोलीले ५० हजार रुपैयाँ प्राप्त गर्नेछ । सर्वाधिक गोलकर्ता, फाइनलका म्यान अफ दी म्याचले समान ५ हजार रुपैयाँ पाउनेछन् । त्यस्तै सर्वोत्कृष्ट खेलाडी, अनुशासित टीम, प्रतियोगितामा सहभागी जेष्ठ खेलाडीलाई सम्मान स्वरुप एक हजार रुपैयाँ प्रदान गरिनेछ । फाइनल आइतबार दिउसो १ बजे सुरु हुने आयोजक संस्थाका अध्यक्ष दिल वहादुर गुरुङले जानकारी दिए ।
