default_image

2 years ago

November 2, 2022

‘युरोपा लिग कठिन हुनेछ’ – बार्सिलोना प्रशिक्षक जाभी

101 views

0 Bookmark

एजेन्सी – क्याटलान क्लब बार्सिलोनाका प्रशिक्षक जाभी हर्नान्डेजले आफ्नो टोली युरोपा लिगमा दावेदार टोली रहेपनि उपाधि जित्न भने कठिन हुने बताएका छन् ।

च्याम्पियन्स लिगको समूहमा तेस्रो स्थानमा रहेपछि बार्सिलोना लगातार दोस्रो सिजन युरोपा लिगमा सिमित भएको हो । बार्सिलोना सम्मिलित समूहबाट बायर्न म्युनिख शत प्रतिशत जितको नतिजा निकाल्दै अघि बढ्यो । इन्टर मिलान दोस्रो स्थानमा रहेर अन्तिम १६ मा पुग्न सफल भयो । बार्सिलोना तेस्रो हुँदा भिक्टोरिया प्लेजन पुछारमा रहेको थियो ।

बार्सिलोनाले अब युरोपा लिगको अन्तिम १६ मा पुग्न युरोपा लिगको समूह उपविजेतासँग खेल्नुपर्नेछ । विहीबार हुने खेलपछि मात्र कुन टोलीको सामना गर्ने सम्भावनाबारे समीकरण बन्नेछ । बार्सिलोनाले स्पेनिस लिगकै टोलीको भने सामना गर्नुपर्ने छैन ।

जाभीले गत सिजनजस्तो यस सिजन पनि युरोपा लिग सहज नहुने बताए । ‘युरोपा लिग नराम्रो होइन । हाम्रो लक्ष्य फाइनल पुग्ने र उपाधि जित्ने नै छ । सबैले बार्सिलोनालाई उपाधिको दावेदारको रुपमा पनि हेरेका छन् । तर त्यो सहज छैन । यसपटक जुन टोली सहभागी छन्, लिग निकै कठिन हुनेछ,’ उनले भने ।

बार्सिलोनाले अब युरोपा लिगको खेल फेब्रुअरी तेस्रो साता मात्र खेल्नेछ । अब स्पेनिस लिगको खेलपछि टोलीले विश्वकपका लागि विश्राम लिनेछ । युरोपा लिगको प्रतिद्वन्द्वीको टुंगो भने यसै साता हुने ड्र बाट थाहा हुनेछ ।

May 17, 2024

रोनाल्डो बने सर्वाधिक कमाउने खेलाडी

एजेन्सी – पोर्चुगिज भेट्रान फुटबल स्टार क्रिस्टियानो रोनाल्डो बेलायती म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा रहेका छन् । उनी आफ्नो करिअरमा चौथोपटक म्यागजिन ‘फोर्ब्स’ को सबैभन्दा धेरै कमाउने खेलाडीको सुचीमा शीर्षस्थानमा पुगेका हुन् ।गत वर्ष साउदी अरेबियाको अल नासर गएपछि रोनाल्डो यो सुचीको शीर्षस्थानमा थिए । यसवर्ष पनि उनी शीर्षस्थानमा रहेका हुन् […]

May 17, 2024

बार्सिलोनाको सहज जित

एजेन्सी – स्पेनिस युवा विंगर फर्मिन लोपेजको दुई गोल मद्दतमा बार्सिलोनाले स्पेनिस ला लिगामा सहज जित दर्ता गरेको छ । बार्सिलोनाले रेलिगेसनमा परिसकेको घरेलु टोली अल्मेरियामाथि २–० को सहज जित दर्ता गरेको हो । फर्मिनले दुवै हाफमा गोल गर्दै बार्सिलोनालाई जित दिलाए । अल्मेरियामा बिहीबार राति भएको खेलको १४औं मिनेटमा पहिलो गोल गरेका लोपेजले ६७औं […]

May 16, 2024

चन्द्रागिरी र काठमाडौं गोदावरी मेयर कपको फाइनलमा

ललितपुर (हाम्रो खेलकुद) – चन्द्रागिरी नगरपालिका र काठमाडौं महानगरपालिका प्रथम गोदावरी उपत्यका ब्यापी अन्तर पालिका मेयर कप फुटबल प्रतियोगिताको उपाधिका लागि भिड्ने भएका छन् । च्यासल मैदानमा बिहीबार चन्द्रागिरीले महालक्ष्मी नगरपालिकालाई तथा काठमाडौंले मध्यपुर थिमि नगरपालिकालाई हराउँदै एकअर्कासँगको भेट पक्का गरेका हुन् । पहिलो सेमिफाइनलमा चन्द्रागिरीले महालक्ष्मीलाई १–० ले हराएको हो । ५५ औं मिनेटमा […]

Success

Thank you for your time.