दिपेश तिमल्सिना
सिलिगुडी (हाम्रो खेलकुद)– महिला साफ च्याम्पियनसिप फुटबलमा इतिहास रच्ने लक्ष्य बोकेर भारतको सिलिगुडी पुगेको नेपाली टोलीले सोमबार भुटानसँग खेल्दै यात्रा प्रारम्भ गर्दैछ ।
श्रीलंका र भुटान पनि रहेको समूह एबाट नेपालको पहिलो प्रयास समूह विजेताका रुपमा अघि बढ्नु हुनेछ । अर्को समूहमा भोली भारत र अफगानिस्तान खेल्दैछन् । केहि दिन अघि मलेसियालाई मैत्रीपूर्ण खेलमा हराएर उत्साहित नेपाली टोली प्रमुख प्रशिक्षक कुमार थापा टोलीले उच्च प्रदर्शन गर्नेमा आशावादी छन् ।
यसअघि उपविजेतामा चित्त बुझाउँदै आएको नेपाल यसपटक उपाधि जितेर फर्कनेमा आशावादी छ । थापाको प्रशिक्षणमा नेपालको यो पहिलो प्रतिस्पर्धात्मक खेल हुनेछ । इतिहास हेर्ने हो भने नेपालका लागि भुटान बलियो प्रतिद्वन्द्वि होइन । अहिले सम्म नेपालले भुटानसँग हार्नु परेको छैन । अहिले सम्मका सबै ६ खेल जितेको नेपालले त्यस क्रममा १२ गोल गरेको छ भने ३ गोल खाएको छ ।
सिलिगुडीको कञ्चनजंगा रंगशालामा नेपाल र भुटानको नेपाली समय अनुसार दिउँसो २ः१५मा सुरु हुनेछ ।
