default_image

2 years ago

November 23, 2022

जापानविरुद्ध जर्मनीलाई अग्रता

145 views

0 Bookmark

कतार (हाम्रो खेलकुद) – फिफा विश्वकप कतार २०२२ अन्तर्गत समूह ई को पहिलो खेलको पहिलो हाफमा जर्मनीले जापानविरुद्ध १-० को अग्रता लिएको छ ।

पहिलो हाफमा दुई तिहाइ भन्दा बढी बल पोसेसन राखेको जर्मनीले अग्रता लिन भने पेनाल्टीमा भर परेको हो । इल्काए गुन्डोगनको पेनाल्टीमा अग्रता लिएको जर्मनीविरुद्ध अन्य अवसरमा भने जापानी गोलरक्षक बाधक बनेका छन् । जापानले काउन्टर अट्याकमा जर्मन डिफेन्सलाई केहि समस्या दिएपनि गोलरक्षक नोएरले भने कुनै प्रहार सामना गर्नुपरेको छैन ।

आठौं मिनेटमा जर्मनीले मिडफिल्डमा बल गुमाएपछि जापानले काउन्टर अट्याकमा आक्रमण गर्दै बल पोस्टभित्र छिराएको थियो । तर अन्तिम प्रहार गरेका डेजन माएडा अफसाइड पोजिसनमा रहेकाले गोलले मान्यता पाएन । १६ औं मिनेटमा जोशुवा किम्मिखको कर्नरमा एन्टोनियो रुडीगरको हेडर थोरैले बाहिरियो ।

२० औं मिनेटमा जोशुवा किम्मिखले पेनाल्टी क्षेत्र बाहिरबाट गरेको प्रहार गोलरक्षक शुइची गोन्डाले दायाँतर्फ डाइभ गर्दै विफल पारे । रिबाउन्डआ गुन्डोगनको प्रहार गर्ने प्रयासमा असिस्टेन्ट रेफ्रीले अफसाइडको लागि झन्डा उठाए । २८ औं मिनेटमा गुन्डोगनले पेनाल्टी क्षेत्र बाहिरबाट गरेको प्रहार गोन्डाले सहजै बचाए । २९ औं मिनेटमा मुसियालाको प्रहारमा माया योशिडाले पेनाल्टी क्षेत्र भित्र उत्कृष्ट ब्लक गर्दै गोल बचाए ।

३० औं मिनेटमा जर्मनीले पेनाल्टीको अवसर पायो । डेविड रमले गोलरक्षक गोन्डाले पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । गुन्डोगनले पेनाल्टीमा गोलरक्षकलाई विपरित दिशामा पठाउँदै अग्रता दिलाए । ४५ औं मिनेटमा मुसियालाको प्रहारले पोस्टको दिशा लिन सकेन ।

इन्ज्युरी समयको पहिलो मिनेटमा जर्मनीका काइ हाभर्ट्जले गरेको गोल भिडियो असिस्टेन्ट रेफ्रीले मान्यता दिएन । किम्मिखको प्रहार गोलरक्षक गोन्डाले बचाएपछि रिबाउन्ड सर्ज नाब्रीकोमा पुगेको थियो । नाब्रीको प्रहारलाई हाभर्ट्जले गोलमा परिणत गरेपनि रिप्लेमा हाभर्ट्ज अफसाइड देखिए । लगत्तै अर्कोतर्फ युटो नागाटोमोको क्रसमा माएडाको हेडर थोरैले बाहिरियो ।

July 17, 2024

मोड्रीच रियलका नयाँ कप्तान

एजेन्सी – मिडफिल्डर लुका मोड्रिच स्पेनिश क्लब रियल म्याड्रिडको नयाँ कप्तान घोषित भएका छन् । क्लब सँग एक वर्ष सम्झौता नवीकरण गर्दै क्रोएसियन खेलाडी मोड्रीच क्लबको नयाँ कप्तान बनेका हुन् । गत सिजनको अन्त्यमा सकिएको सम्झौता मोड्रीचले १ वर्षका लागि नवीकरण गरेका हुन् । यसका साथै रियलका कप्तान नाचो क्लब छोडेर साउदी लिगमा गएसँगै कप्तानीको […]

July 17, 2024

रियलले भित्र्याउन खोजेको योरो युनाइटेड जाने

एजेन्सी – रियल म्याड्रिडले भित्र्याउन खोजेको फ्रेन्च डिफेन्डर लेनी याेरो म्यानचेस्टर युनाइटेड जाने लगभग पक्का भएको छ । विभिन्न युरोपेली सञ्चार माध्यमका अनुसार १८ वर्षीय योरो युनाइटेड जाने भएका हुन् । रियलले योरोका लागि करिब २० मिलियन युरोको प्रस्ताव गरेको थियो । अर्कोतर्फ युनाइटेडले ५० मिलियन युरो भन्दा बढीको प्रस्ताव गर्यो जुन रियलको भन्दा निकै […]

July 17, 2024

‘द ब्यूटीफुल गेम’ भित्रका कुरुप शब्दहरु

सन्जोग चाम्लिङ राई गुगलमा ‘द ब्यूटीफुल गेम’ टाइप गरी खोज्नु भयो भने त्यसले फुटबलसँग सम्बन्धित विभिन्न लेख र चित्रतर्फ तपाईंलाई डोर्याउँछ । यही नाम गरेको फिल्म पनि नेटफ्लिक्समा पाईन्छ, जसको विषय फुटबल नै हो । फुटबललाई ‘द ब्यूटीफुल गेम’ भनेर नै विश्वभर भन्ने गरे पछि गुगलले त भन्ने नै भयो । यो बुझाईमा विश्वव्यापी सहमति […]

Success

Thank you for your time.