default_image

1 year ago

November 23, 2022

पहिलो खेलमै जापानले जर्मनीलाई हरायो

सुबास हुमागाईं, कतार उपाधि दावेदारको रुपमा दरिएको जर्मनी फिफा विश्वकप कतार २०२२ अन्तर्गत समूह चरणको पहिलो खेलमा जापानसँग पराजित भएको छ । बुधबार पहिलो हाफमा अग्रता लिएपनि दोस्रो हाफमा एसियाली राष्ट्र जापानले सानदार पुनरागमन गर्दै २-१ को अप्रत्याशित जित निकालेको हो । पहिलो हाफमा दुई तिहाइ भन्दा बढी बल पोसेसन राखेको जर्मनीले अग्रता लिन भने […]

157 views

0 Bookmark

सुबास हुमागाईं, कतार

उपाधि दावेदारको रुपमा दरिएको जर्मनी फिफा विश्वकप कतार २०२२ अन्तर्गत समूह चरणको पहिलो खेलमा जापानसँग पराजित भएको छ । बुधबार पहिलो हाफमा अग्रता लिएपनि दोस्रो हाफमा एसियाली राष्ट्र जापानले सानदार पुनरागमन गर्दै २-१ को अप्रत्याशित जित निकालेको हो ।

पहिलो हाफमा दुई तिहाइ भन्दा बढी बल पोसेसन राखेको जर्मनीले अग्रता लिन भने पेनाल्टीमा भर परेको थियो । इल्काए गुन्डोगनको पेनाल्टीमा अग्रता लिएको जर्मनीविरुद्ध अन्य अवसरमा भने जापानी गोलरक्षक बाधक बने । जापानले काउन्टर अट्याकमा जर्मन डिफेन्सलाई केहि समस्या दिएपनि गोलरक्षक नोएरले भने कुनै प्रहार सामना गर्नुपरेको थिएन ।

दोस्रो हाफमा खेलाडी परिवर्तन गरेपछि भने जापान खेलमा फर्केको थियो । आक्रमणमा ताकुमी मिनामिनो, रित्सु डोआन र ताकुमी असानो आएपछि जापानले प्राप्त काउन्टर अट्याकमा नोएरलाई पटक पटक समस्या दिएको थियो । जर्मनीको आक्रमणविरुद्ध गोलरक्षक गोन्डा लगातार चनाखो बस्दै बचाउ गर्दा जापानलाई पुनरागमनको ढोका खुलेको थियो ।

खलिफा रंगशालामा आठौं मिनेटमा जर्मनीले मिडफिल्डमा बल गुमाएपछि जापानले काउन्टर अट्याकमा आक्रमण गर्दै बल पोस्टभित्र छिराएको थियो । तर अन्तिम प्रहार गरेका डेजन माएडा अफसाइड पोजिसनमा रहेकाले गोलले मान्यता पाएन । १६ औं मिनेटमा जोशुवा किम्मिखको कर्नरमा एन्टोनियो रुडीगरको हेडर थोरैले बाहिरियो ।

२० औं मिनेटमा जोशुवा किम्मिखले पेनाल्टी क्षेत्र बाहिरबाट गरेको प्रहार गोलरक्षक शुइची गोन्डाले दायाँतर्फ डाइभ गर्दै विफल पारे । रिबाउन्डआ गुन्डोगनको प्रहार गर्ने प्रयासमा असिस्टेन्ट रेफ्रीले अफसाइडको लागि झन्डा उठाए । २८ औं मिनेटमा गुन्डोगनले पेनाल्टी क्षेत्र बाहिरबाट गरेको प्रहार गोन्डाले सहजै बचाए । २९ औं मिनेटमा मुसियालाको प्रहारमा माया योशिडाले पेनाल्टी क्षेत्र भित्र उत्कृष्ट ब्लक गर्दै गोल बचाए ।

३० औं मिनेटमा जर्मनीले पेनाल्टीको अवसर पायो । डेविड रमले गोलरक्षक गोन्डाले पेनाल्टी क्षेत्रभित्र लडाएपछि रेफ्रीले पेनाल्टी दिएका थिए । गुन्डोगनले पेनाल्टीमा गोलरक्षकलाई विपरित दिशामा पठाउँदै अग्रता दिलाए । ४५ औं मिनेटमा मुसियालाको प्रहारले पोस्टको दिशा लिन सकेन ।

इन्ज्युरी समयको पहिलो मिनेटमा जर्मनीका काइ हाभर्ट्जले गरेको गोल भिडियो असिस्टेन्ट रेफ्रीले मान्यता दिएन । किम्मिखको प्रहार गोलरक्षक गोन्डाले बचाएपछि रिबाउन्ड सर्ज नाब्रीकोमा पुगेको थियो । नाब्रीको प्रहारलाई हाभर्ट्जले गोलमा परिणत गरेपनि रिप्लेमा हाभर्ट्ज अफसाइड देखिए । लगत्तै अर्कोतर्फ युटो नागाटोमोको क्रसमा माएडाको हेडर थोरैले बाहिरियो ।

दोस्रो हाफको सुरुवाती मिनेटमा दुवै टोलीले गोलको अवसर पाएका थिए । जापानका इटोको प्रहार जर्मन डिफेन्सले रोक्दा अर्कोतर्फ मुसियालाको पेनाल्टी क्षेत्रभित्र ५ डिफेन्सलाई बिट गरेपछिको प्रहार आकासियो । ६० औं मिनेटमा जर्मनीको अग्रता दोब्बर पार्ने प्रयासमा पोस्ट बाधक बन्यो । मुसियालाको पासमा गुन्डोगनको प्रहार पोस्टमा लाग्दै बाहिरियो ।

लगत्तै अर्कोतर्फ जापानका ताकुमा असानोले पेनाल्टी क्षेत्र भित्रबाट गरेको प्रहार गोलरक्षक नोएर र क्रसबारभन्दा निकै माथिबाट गयो । ७० औं मिनेटमा गोलरक्षक गोन्डाले लगातार चार बचाउ गर्दै जापानलाई खेलमा कायम राखे । जापानी डिफेन्डरहरुले अफसाइड माग गर्दै ध्यान नदिँदा जर्मनीले लगातार आक्रमण गरेको थियो । तर लगातार चार प्रहार विफल पार्दै गोन्डाले जर्मनीको अग्रता बढ्न दिएनन् ।

७३ औं मिनेटमा जापानले खेल बर्बरिमा ल्याउने सुवर्ण अवसर खेर फाल्यो । ताकुमी असानोको प्रहारमा गोलरक्षक नोएरले बायाँतर्फ डाइभ दिँदै उत्कृष्ट बचाउ गरे । नोएर लडेको अवस्थामा आएको रिबाउन्डमा हिरोकी साकाइले पोस्टमा प्रहार गर्न सकेनन् । त्यसको एक मिनेटपछि नै जापानले खेल बराबर गर्यो ।

वैकल्पिक खेलाडीको रुपमा प्रवेश गरेका रित्सु डोआन र ताकुमी मिनामिनोबीच समन्वयमा जापानको गोल सम्भव भएको थियो । मिनामिनोको सुरुवाती प्रहार नोएरले बचाएपनि रिबाउन्डमा डोआनले कुनै गल्ती गरेनन् । उनले ६ यार्ड बक्सनजिकबाट गोल गरेका थिए ।

८४ औं मिनेटमा जापानले ताकुमी असानोको गोलमा अग्रता लियो । कोउ इताकुराले डिफेन्स लाइनबाट खेलेको लामो पासमा जर्मनीको अफसाइड ट्रयाप बिट गर्दै असानोले गोल गरेका थिए । उनले स्लोटरबेकको दबाब र नोएर अघि आएको अवस्थामा निअर पोस्टमा फिनिस गरेका थिए ।

इन्ज्युरी समयमा लिओन गोरेट्जकाले गरेको प्रहार पोस्टभन्दा बाहिर जाँदा जर्मनी पहिलो खेलमा नै हार बेहोर्न पुगेको हो ।

यस नतिजासँगै समूह ई मा जापानले ३ अंक जोडेको छ । समूहको अर्को खेलमा आज स्पेन र कोस्टारिका भिड्दैछन् ।

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

Success

Thank you for your time.