default_image

1 year ago

November 23, 2022

पहिलो खेलमै स्पेनद्वारा गोलको वर्षा

कतार (हाम्रो खेलकुद) – फिफा विश्वकप कतार २०२२ अन्तर्गत स्पेनले समूह ई को दोस्रो खेलमा कोस्टारिकामाथि गोलको वर्षा गरेको छ । अल थुमामा रंगशालामा प्रतियोगिताको पहिलो खेल खेलिरहेको स्पेनले ७-० को सानदार जित दर्ता गर्यो । स्पेनले पहिलो हाफमा ३ तथा दोस्रो हाफमा ४ गोल गरेको थियो । बल पोसेसन राख्नका लागि माहिर स्पेनले आक्रमणमा […]

192 views

0 Bookmark

कतार (हाम्रो खेलकुद) – फिफा विश्वकप कतार २०२२ अन्तर्गत स्पेनले समूह ई को दोस्रो खेलमा कोस्टारिकामाथि गोलको वर्षा गरेको छ । अल थुमामा रंगशालामा प्रतियोगिताको पहिलो खेल खेलिरहेको स्पेनले ७-० को सानदार जित दर्ता गर्यो ।

स्पेनले पहिलो हाफमा ३ तथा दोस्रो हाफमा ४ गोल गरेको थियो । बल पोसेसन राख्नका लागि माहिर स्पेनले आक्रमणमा नियमित खेलाडी परिवर्तन गर्ने रणनीति बनाएको थियो । त्यसैको फलस्वरुप स्पेनका ६ फरक खेलाडीले गोल गरे । फेरान टोरेसले २ गोल गर्दा गाभी, ड्यानी ओल्मो, अल्भारो मोराटा, कार्लोस सोलेर र मार्को एसेन्सियोले १-१ गोल गरे ।

खेलको ११ औं मिनेटमा ओल्मोले स्पेनलाई सुरुवाती अग्रता दिलाएका थिए । गाभीले दिएको पासलाई ओल्मोले गोलमा परिणत गर्दै विश्वकपमा स्पेनका लागि गोलको शतक समेत पूरा गरेका थिए ।

२१ औं मिनेटमा स्पेनले अग्रता दोब्बर पार्यो । जोर्डी अल्बाको क्रसमा एसेन्सियोको प्रहार गोल भएको थियो । गोलरक्षक केलर नाभासको बचाउने प्रयास सफल नहुँदा स्पेन २-० ले अघि बढेको थियो ।

३१ औं मिनेटमा स्पेनले पेनाल्टीमार्फत गोल थप्यो । अल्बालाई पेनाल्टी क्षेत्रभित्र लडाएपछि प्राप्त पेनाल्टीमा फेरान टोरेसले गोल गरे ।

दोस्रो हाफको ५४ औं मिनेटमा टोरेसले व्यक्तिगत दोस्रो गोल गरे । उनले पेनाल्टी क्षेत्र भित्र डिफेन्डरको दबाब चिर्दै गोल गरेका थिए ।

७४ औं मिनेटमा टिनएज मिडफिल्डर गाभीले गोल गरे । उनले अल्भारो मोराटाको चिप पासलाई पेनाल्टी क्षेत्र बाहिरबाट आउटसाइड फुटले प्रहार गरेका थिए । उनको प्रहार पोस्टमा लाग्दै गोल भएको थियो ।

९० औं मिनेटमा कार्लोस सोलेरले गोल गर्दै स्पेनको आधा दर्जन गोल पुर्याए । इन्ज्युरी समयमा मोराटाले ओल्मोको पासको सदुपयोग गर्दै ७-० को अग्रता दिलाए ।

फराकिलो जितसँगै स्पेन समूहको शीर्ष स्थानमा उक्लिएको छ । स्पेन र जापानको समान ३-३ अंक छ । जापानले यसअघि समूहको पहिलो खेलमा जर्मनीलाई २-१ ले हराएको थियो ।

April 19, 2024

लिभरपुल युरोपा लिगबाट बाहिरियो

एजेन्सी – प्रिमियर लिग क्लब लिभरपुल युरोपा लिगबाट बाहिरिएको छ। इटालियन क्लब एट्लान्टालाई क्वाटरफाइनलको दोस्रो लेगमा बिहीबार १-० ले हराएपनि समग्रमा ३-१ ले पछि रहँदै लिभरपुल युरोपा लिगबाट बाहिरिएको हो। घरेलु मैदान एनफिल्डमा भएको पहिलो लेगमा लिभरपुल ३-० ले पराजित भएको थियो। एट्लान्टा सेमिफाइनलमा पुगेको छ। मोहम्मद सलाहले सातौं मिनेट गरको पेनाल्टी गोलमा लिभरपुल विजयी […]

April 18, 2024

पुल्चोक र स्पोर्टस एकेडेमीको जित

काठमाडौं (हाम्रो खेलकुद) – पुल्चोक स्पोर्टस क्लब र स्पोर्टस एकेडेमी साँगाले बिहीबार सहिद स्मारक सी डिभिजन लिगमा जित हासिल गरेको छ । सातदोबाटोस्थित एन्फा कम्प्लेक्सको एस्ट्रोतर्फमा स्पोर्टस एकेडेमीले रानीवन स्पोर्टस क्लबलाई १–० ले हराएको छ । स्पोर्टस एकेडेमी टिकाराज गुरुङले ५६ औं मिनेटमा गरेको गोल खेलको निर्णायक बन्यो । ३ खेलमा दोस्रो जितपछि स्पोर्टस् एकेडेमीको […]

April 18, 2024

एन्फा उपाध्यक्ष लामा छुटे

काठमाडाैं (हाम्रो खेलकुद)- अखिल नेपाल फुटबल संघ (एन्फा) का उपाध्यक्ष दावा लामा छुटेका छन् । उनी बुधबार पक्राउ परेका थिए । काठमाडौं उपत्यका अपराध अनुसन्धान कार्यालयको टोलीले पक्राउ गरेर लामालाई बिहीबार उच्च अदालत पाटनमा पेश गरेको थियो । सो क्रममा लामाले सर्वोच्च अदालतबाट तारेखमा राख्नु भन्ने आदेश लिएको पेश गरेपछि उनी छुटेको अपराध अनुसन्धान कार्यालयले […]

Success

Thank you for your time.