default_image

1 year ago

November 24, 2022

सर्वियासँग सचेत ब्राजिल

एजेन्सी – पाँच पटकको विश्वविजेता ब्राजिलले आज (बिहीबार) सर्वियासँग खेल्दै फिफा विश्वकप कतार २०२२ को सुरुवात गर्दैछ । खेल कतारको दोहास्थित लुसेल आइकोनिक स्टेडियममा नेपाली समयअनुसार राति १२ः४५ बजे हुनेछ । सर्वियाविरुद्ध मैदान उत्रदा स्टार खेलाडीले भरिएको ब्राजिल सचेत रहँदै स्पष्ट जितको लक्ष्यमा हुनेछ । ठुला प्रतियोगितामा राम्रो प्रदर्शन गर्न नसकेपनि सर्विया अन्डरडग टोलीको रुपमा […]

196 views

0 Bookmark

एजेन्सी – पाँच पटकको विश्वविजेता ब्राजिलले आज (बिहीबार) सर्वियासँग खेल्दै फिफा विश्वकप कतार २०२२ को सुरुवात गर्दैछ ।

खेल कतारको दोहास्थित लुसेल आइकोनिक स्टेडियममा नेपाली समयअनुसार राति १२ः४५ बजे हुनेछ । सर्वियाविरुद्ध मैदान उत्रदा स्टार खेलाडीले भरिएको ब्राजिल सचेत रहँदै स्पष्ट जितको लक्ष्यमा हुनेछ ।

ठुला प्रतियोगितामा राम्रो प्रदर्शन गर्न नसकेपनि सर्विया अन्डरडग टोलीको रुपमा रहेको छ । त्यसैले ब्राजिल सर्वियाविरुद्ध सचेत रहनेछ । ब्राजिल २०२१ मा भएको कोपा अमेरिका कपको फाइनलमा अर्जेन्टिनासँग १–० ले पराजित भएयता ब्राजिल १५ खेलसम्म अपराजित छ । जसमा १२ जित र ३ बराबरीको नतिजा छ । ब्राजिल यही जित र अपराजित यात्रालाई थप लम्ब्याउन चहान्छ ।

आक्रमण र मिडफिल्डमा मजवुत देखिएको ब्राजिलको डिफेन्स लाइन भने केही कमजोर छ । अग्रपङ्तिमा नेयमारसँगै राफिन्हा, रिचार्लीसन, भिनिसियस जुनियर, रोड्रिगो, गाब्रियल जेसस, एन्टोनी र ग्राबियल मार्टिनेली रहेका छन् ।

मिडफिल्डमा क्यासेमिरो, फाविन्हो, लुकास पाक्वेटा, ब्रुनो गुइमारेस रहँदा डिफेन्समा ड्यानी आल्भेस, थियागो सिल्भा, डोनिलो, मार्किन्हस र एडर मिलिसाओ रहेका छन् । गोलकिपरमा प्रिमियर लिग खेलिरहेका एलिसन बेकरसँगै एडर्सन मोराएस र वेभर्टन रहेका छन् ।

यता, युरोपेली छनोटबाट पोर्चुगलजस्तो बलियो टोलीबाट समूह विजेता बनेको सर्विया जारी विश्वकपमा अर्काे स्तब्धपूर्ण नतिजा निकाल्ने योजनामा हुनेछ । डुसान भ्लाहोभिचसँगै एलेक्सान्डर मित्रोभिच, लुका जोभिच, डुसान टाडिच, फिलिप कोस्टिक, निकोला मिलिन्कोभिच, नेमान्जा गुडेज, मार्काे ग्रुजिच र गोलरक्षक मार्काे डिमिट्रोभिच टोलीमा मुख्य खेलाडी हुन् ।

सर्विया पनि गत जनवरीमा नर्वेसँग १–० पराजित भएयता पछिल्लो ६ खेलमा अपराजित छ । यसमा सर्वियाले स्लोभेनियासँग २–२ गोलको बराबरी खेल्दा अरु ५ खेलमा जित निकालेको छ ।

यि दुई टोली तेस्रोपटक खेल्न लागेको हो । यसअघिको दुवै भेटमा ब्राजिलले जित निकालेको छ । यि दुईलेपछिल्लोपटक सन् २०१८ को विश्वकपमा समूह चरणमा नै प्रतिस्पर्धा गर्दा ब्राजिलले २–० को सहज जित निकालेको थियो । त्यसअघि २०१४ मा भएको मैत्रीपूर्ण खेलमा पनि ब्राजिल १–० ले विजयी भएको थियो ।

April 16, 2024

पुलिस जीतपुरसिमरा गोल्डकप च्याम्पियन

सुनिल गाउँले, सिमरा नेपाल पुलिस क्लबले जगदम्बा स्टिल १४ औं जीतपुरसिमरा गोल्डकप फुटबल प्रतियोगिताको उपाधि जितेको छ । सिमरा रंगशालामा सोमबार भएको प्रतिस्पर्धात्मक फाइनल खेलमा मच्छिन्द्र क्लबलाई टाइब्रेकरमा ४–३ ले हराउँदै पुलिसले वर्षको पहिलो उपाधि जितेको छ । निर्धारित ९० मिनेट र थप समय गोलरहित बराबरीमा टुंगिएपछि टाइब्रेकरमा पुलिसले बाजी मारेको थियो । परिवर्तित गोलकिपर […]

April 15, 2024

लिभरपुलपछि आर्सनल पनि पराजित

एजेन्सी – लिभरपुलको हारपछि इंग्लिस प्रिमियर लिग शीर्षस्थानमा उक्लने मौकालाई आर्सनलले गुमाएको छ । आर्सनल आइतबार एस्टन भिल्लासँग २–० ले पराजित भएको छ । उपाधि होडमा रहेका दुई टोली लिभरपुल र आर्सनल पराजित भएपछि त्यसको फाइदा म्यानचेस्टर सिटीलाई पुगेको छ । खेलको अन्त्यतिर एस्टन भिल्लाले २ गोल गर्दै आर्सनलमाथि सानदार जित निकालेको हो । लियोन […]

April 14, 2024

लेभरकुसनलाई पहिलोपटक बुन्डेसलिगा उपाधि

एजेन्सी – जाभी अलोन्सोको प्रशिक्षणमा रहेको बायर लेभरकुसनले क्लब इतिहासमा पहिलोपटक बुन्डेसलिगाको उपाधि जितेको छ । आईतबार वेर्डर ब्रेमन माथि ५-० को सहज जित संगै लेभरकुसनको पहिलो लिग उपाधि पक्का भएको हो । लेभरकुसनको जितमा फ्लोरियन विर्ट्जले ह्याट्रिक पूरा गरे भने भिक्टर बोनिफेशले र ग्रानिट झाकाले खेलमा एक-एक गोल गरे । ९०औं मिनेटमा विर्ट्जले गोल […]

Success

Thank you for your time.