1 year ago
November 28, 2022
एजेन्सी – एसियाली राष्ट्र कतारमा जारी फिफा विश्वकप २०२२ अन्तर्गत आज (सोमबार) समूह ‘जी’ र ‘एच’ का विभिन्न चार खेलहरुमा प्रतिस्पर्धा हुँदैछ । समूह ‘जी’ क्यामरुन र सर्विया तथा ब्राजिल र स्वीट्जरल्यान्ड्सबीच प्रतिस्पर्धा हुनेछ । क्यामरुन र सर्वियाबीचकाे खेल अल जानौव रंगशालामा नेपाली समयअनुसार दिउँसको ३ः४५ बजेपछि शुरु हुनेछ । पहिलो खेलमा हार बेहोरेको दुवै […]
एजेन्सी – एसियाली राष्ट्र कतारमा जारी फिफा विश्वकप २०२२ अन्तर्गत आज (सोमबार) समूह ‘जी’ र ‘एच’ का विभिन्न चार खेलहरुमा प्रतिस्पर्धा हुँदैछ ।
समूह ‘जी’ क्यामरुन र सर्विया तथा ब्राजिल र स्वीट्जरल्यान्ड्सबीच प्रतिस्पर्धा हुनेछ । क्यामरुन र सर्वियाबीचकाे खेल अल जानौव रंगशालामा नेपाली समयअनुसार दिउँसको ३ः४५ बजेपछि शुरु हुनेछ ।
पहिलो खेलमा हार बेहोरेको दुवै टोली पहिलो जितको खोजीमा हुने छ । सर्विया ब्राजिलसँग २–० ले तथा क्यामरुन स्वीट्जरल्यान्ड्ससँग १–० ले पराजित भएको छ ।
समूह चरण पार गर्न यि दुई टोलीलाई जितको आवश्यक छ । बराबरी या हारले टोलीको अघिल्लो चरण पुग्ने सम्भावना झिनो बन्दा अन्य नतिजाको पनि भर पर्नुपर्नेछ । त्यसैले दुवै टोली निश्चित जितको लक्ष्यसहित मैदान उत्रनेछ ।
यि दुई टोली दोस्रोपटक भिड्न लागेका हुन् । यि दुई टोलीले पछिल्लोपटक सन् २०१० मा मैत्रीपूर्ण खेलमा प्रतिस्पर्धा गर्दा सर्वियाले ४–३ को जित निकालेको थियो । सर्विया सोही जितलाई निरन्तरता दिन चहाँदा क्यामरुन उक्त नतिजा उल्ट्याउने योजनामा हुनेछ ।
आठौंपटक विश्वकप खेलिरहेको क्यामरुनको सबैभन्दा उत्कृष्ट नतिजा सन् १९९० मा क्वाटरफाइनलसम्म पुग्नु नै हो । त्यसपछि क्यामरुनले समूह चरण पार गन सकेको छैन ।
सन् २००२ मा साउदी अरेबियालाई १–० ले पराजित गरेयता क्यामरुनले विश्वकपमा जित निकाल्न सकेको छैन । त्यसयताको सबै ८ खेलमा क्यामरुनले हार बेहोरेको छ ।
सर्वियालाई स्तब्ध पार्दै क्यामरुन विश्वकपमा लगातार हारको श्रृंखला तोड्न चहान्छ । टोलीसँग आन्द्रे ओनाना, जान चाल्सकास्टलेटो, कोलिन्स फाइ, निकोलस एन्कुलु, तोलो नौहोउ, क्रिस्टोफर वुह, मार्टिन होंग्ला, पिएर कुन्डे, ओलिभिएर एन्चाम, गेल ओन्दुआ, स्यामुएल ओम गोए, आन्द्रे फ्रान्क जाम्बो एन्गिसा, एरिक म्याक्सिम चुपो मोटीङ र कार्ल टोको एकाम्बी रहेका छन् ।
यता, सर्विया पनि क्यामरुनलाई हराएर आफ्नो सम्भावना जीवित पार्न चहान्छ । २०१० मा सर्वियाको नामबाट तेस्रोपटक विश्वकप खेलिरहेको सर्वियाको पनि विश्वकपमा राम्रो प्रदर्शन हुन सकेको छैन । टोलीले समूह चरण पार गर्न सकेको छैन ।
सर्वियाले विश्वकपमा हालसम्म ७ खेल खेल्दा केवल दुई जित र ५ हारको नतिजा निकालेको छ । पछिल्लो तीनै खेलमा हार बेहोरेको छ । विश्वकपमा सर्वियाले केवल चार गोल गरेको छ ।
युरोपेली छनोटमा पोर्चुगललाई पछि पारेर विश्वकपमा छनोट भएको सर्वियाले पहिलो खेलमा ब्राजिललाई बलियो चुनौती पेश गरेपनि नतिजा आफ्नो पक्षमा पार्न सकेन ।
सर्वियासँग मार्को डिमिट्रोभिच, निकोला मिलेन्कोभिच, स्ट्राहिन्जा पाभ्लोभिच, नेमान्जा गुडेल्ज, सर्गे मिलिन्कोभिच–साभिच, सासा लुकिच, मार्को ग्रुजिच, फिलिप कोस्टिच, नेमान्जा माक्सिमोभिच, इभान इलिच, डार्को लाजोभिच, डुसान टाडिच, एलेक्सान्डर मिट्रोभिच, डुसान भ्लाहोभिच र लुका जोभिच रहेका छन् ।
March 28, 2024
हिमाल खरेल , मेचीनगर बाहुनडाँगी युवा क्लबले कार्गिल सहिद सुरेश थापा क्षेत्री स्मृति दोस्रो जेसीज नकआउट फुटबल प्रतियोगितामा विजयी सुरुवात गरेको छ । मेचीनगर ४ स्थित सरस्वती माविको खेल मैदानमा आज भएको उद्घाटन खेलमा कचनकवल फुटबल क्लबविरुद्ध २–० को सहज जित निकाल्दै बाहुनडाँगी विजयी भएको हो । जितसँगै बाहुनडाँगी सेमिफाइनलमा प्रवेश गरेको छ । बाहुनडाँगीका […]
March 28, 2024
काठमाडौं (हाम्रो खेलकुद)- राष्ट्रिय फुटबल टोली बहराइनबाट बिहीबार स्वदेश आइपुगेको छ फिफा विश्वकप २०२६ तथा एएफसी एसियन कप २०२७ को छनोटअन्तर्गत बहराइनसँग २ खेल खेलेर नेपाली टोली स्वदेश फर्किएको हो। समूह ‘एच’ मा रहेको नेपाली टोलीले ‘होम एन्ड अवे’ दुवै खेल बहराइनमा खेलेको थियो । पहिलो खेलमा ५–० गोलले पराजित नेपाली टोली बहराइनसँगको मंगलबारको ३–० […]
March 27, 2024
एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]