1 year ago
November 29, 2022
एजेन्सी – फिफा विश्वकप कतार २०२२ अन्तरगत आज मंगलबार आयोजक कतारले बलियो नेदरल्यान्ड्ससँग समूह चरणको अन्तिम खेलमा प्रतिस्पर्धा गर्दैछ ।
खेल अल बायातमा नेपाली समयअनुसार राति ८ः४५ बजेपछि हुनेछ । यही समयमा यही समूहको अर्काे खेलमा इक्वेडर सेनेगलबीच प्रतिस्पर्धा हुनेछ । नकआउट चरणमा पुग्न यि इक्वेडरलाई बराबरी पर्याप्त रहँदा सेनेगललाई जितको खाँचो छ । नेदरल्यान्ड्स बराबरीमा रोकिदा इक्वेडर र सेनेगलमा जित्ने टोली समूह विजेता बन्नेछ ।
समूह चरणबाट बाहिरिसकेको कतार अर्थहीन खेलमा नेदरल्यान्ड्सलाई स्तब्ध पार्दै आफ्नो अन्तिम खेललाई सुखद् बनाउन चाहन्छ ।
कतारसँग युसेफ हसन, पेड्रो मिगुएल, मुसाब खिदिर, तारेक सलमान, बसम अल रावी, बोउलेम खाउखी, अब्देल करिम हसन, होमाम अहमद, जसम गाबेर, अली असद, असिम मोदीबो, मोहम्मद वाद, सलेम अल हजरी, मुस्तफा तारेक, करिम बौदियाफ, अब्देलाजिज हातिम, स्माइल मोहम्मद, नाइफ अल्धरामी, अहमद अलाउल्डिन, हसन अल हेडोस, खालिद मुनिर, अक्रम अफिफ, अल्मोज अली र मोहम्मद मुन्तारी रहेका छन् ।
नेदरल्यान्ड्सलाई अघिल्लो चरण पुग्न बराबरी नै पर्याप्त रहेपनि टोली जित निकाल्दै समूह विजेता बन्ने लक्ष्यमा हुनेछ । नेदरल्यान्ड्सको बराबरी या हारले अर्काे खेलमा स्पष्ट नतिजा निकाल्ने टोली समूह विजेता बन्नेछ । यसै समूहको अर्को खेलमा इक्वेडरले सेनेगललाई हराएमा नेदरल्यान्ड्स जुनसुकै नतिजामा पनि अर्को चरण पुग्नेछ । कतारसँग पराजित भएको अवस्थामा अर्काे खेलमा सेनेगलले जितेमा नेदरल्यान्ड्सको बाहिरिने सम्भावना रहन्छ ।
यता, नेदरल्यान्ड्सँग एन्द्रिज नोपर्ट, नाथन आके, डेली ब्लिन्ड, भर्र्जिल भान डाइक, डेन्जेल डम्फ्रिज, जेरेमी फ्रिमपोङ, म्याथिस डे लिग्ट, टिरेल मालासिया, जुरिएन टिम्बर, स्टेफान डे भ्रिज, स्टिभन बर्घिअस, फ्रेन्की डे जोङ, डाभी क्लासेन, तिउन कुप्मेनर्स, मार्टेन डे रुन, जाभी सिमोन्स, केनेथ टेलर, स्टिभन बर्गवाइन, मेफिस डिपाए, कोडी गाक्पो, भिन्सेन्ट जानसन, लुक डे जोङ, नोअ लांग, र वुट वेघस्र्ट रहेका छन् ।
नेदरल्यान्ड्स विश्वकप इतिहासमा अभाग्यशाली टिमको रुपमा रहेको छ । तीनपल्ट फाइनलमा पुगेर पनि च्याम्पियन बन्न सकेको छैन । डच टिम सन् १९७४ मा पश्चिम जर्मनी, सन् १९७८ मा अर्जेन्टिना र सन् २०१० मा स्पेनसँग फाइनलमा पराजित भएको थियो । सन् २०१४ मा भने नेदरल्यान्ड्स तेस्रो भएको थियो । यि दुई टोली कुनै पनि खेलमा पहिलोपटक आमान–सामाने हुन लागेको हो ।
May 8, 2024
एजेन्सी – फ्रेन्च टोली पेरिस सेन्ट जर्मान (पिएसजी) लाई पराजित गर्दै जर्मन क्लब बोरुसिया डर्टमुण्ड युरोपेली च्याम्पियन्स लिगको फाइनलमा प्रवेश गरेको छ । पिएसजी माथि दोस्रो लेगमा १-० सहित समग्रमा २-० को जित हासिल गर्दै डर्टमुण्ड ११ वर्ष पछि च्याम्पियन्स लिगको फाइनलमा प्रवेश गरेको हो । पिएसजीको घरेलु मैदान पार्क डेश प्रिन्सेसमा भएको दोस्रो लेगमा […]
May 7, 2024
काठमाडौं (हाम्रो खेलकुद) – नेपालको एकमात्र अन्तर्राष्ट्रिय मान्यता प्राप्त दशरथ रंगशालाको फुटबल मैदानले अब अन्तर्राष्ट्रिय फुटबल गर्ने मान्यता गुमाउने खतरा बढेपछि युवा तथा खेलकुद मन्त्री बिराजभक्त श्रेष्ठले त्यसमा चासो देखाएका छन् । एसियाली फुटबल महासंघ (एएफसी) ले गत साता गरेको निरीक्षणपछि दशरथ रंगशालाको विभिन्न पक्षमा प्रश्न उठाएको छ । त्यसकारण जेठ २४ गते नेपाल र […]
May 7, 2024
एजेन्सी – युरोपेली च्याम्पियन्स लिग अन्तर्गत सेमीफाइनलको दोस्रो लेगमा पेरिस सेन्ट जर्मान (पिएसजी) आज भिड्ने छन् । खेल नेपाली समय अनुसार राती १२:४५ बजे पिएसजीको घरेलु मैदान पार्क डेश प्रिन्सेसमा सुरु हुनेछ । गत बुधबार भएको पहिलो लेगमा डर्टमुण्डले १-० को अग्रता लिएको थियो । डर्टमुण्डको जितमा स्ट्राइकर निकलास फुलक्रुगले खेलको ३६औं मिनेटमा गोल गरेका […]