1 year ago
November 30, 2022
एजेन्सी – फिफा विश्वकप कतार २०२२ अन्तरगत आज बुधबार राति समूह ‘सी’ को तेस्रो राउन्डको खेलमा मेक्सिको र साउदी अरेबियाबीच प्रतिस्पर्धा हुँदैछ । यो खेल लुसेल आइकोनिक रंगशालामा राति १२ः४५ बजेपछि हुनेछ । यही समयमा यही समूहको अर्काे खेलमा पोल्यान्ड र अर्जेन्टिनाबीच खेल हुँदैछ । यो समूहमा चारै टोलीको नकआउट चरण पुग्ने सम्भावना रहँदा जित […]
एजेन्सी – फिफा विश्वकप कतार २०२२ अन्तरगत आज बुधबार राति समूह ‘सी’ को तेस्रो राउन्डको खेलमा मेक्सिको र साउदी अरेबियाबीच प्रतिस्पर्धा हुँदैछ ।
यो खेल लुसेल आइकोनिक रंगशालामा राति १२ः४५ बजेपछि हुनेछ । यही समयमा यही समूहको अर्काे खेलमा पोल्यान्ड र अर्जेन्टिनाबीच खेल हुँदैछ ।
यो समूहमा चारै टोलीको नकआउट चरण पुग्ने सम्भावना रहँदा जित हात पार्ने टोली प्रि–क्वाटरफाइनलमा पुग्नेछन् । पराजित हुने टोली बाहिरिनेछ ।
पहिलो खेलमा अर्जेन्टिनालाई स्तब्ध पारेको साउदी दोस्रो खेलमा पोल्यान्डसँग हार्न पुगेपछि यो समूहमा सबै टोलीको अघिल्लो चरण खुल्ला भएको हो ।
मेक्सिकोलाई हराएर साउदी दोस्रोपटक अर्थात २८ वर्षपछि नकआउट चरणमा पुग्न चहान्छ । तर यसका लागि अर्जेन्टिनाले पनि पाेल्यान्डसँग अंक गुमाउनु पर्नेछ । यसअघि साउदी सन् १९९४ को विश्वमा प्रि–क्वाटरफाइनलमा पुगेको थियो । त्यसपछि चार विश्वकप (१९९८, २००२, २००६ र २०१८) खेलेको साउदीले समूह चरण पार गर्न सकेको छैन ।
मेक्सिकोविरुद्ध साउदी अरेबियालाई दुई महत्वपूर्ण खेलाडीको अभाव हुन सक्नेछ । कप्तान तथा मिडफिल्डर सलमान अल फराज र डिफेन्डर यासेर अल शहरानी चोटका कारण टोलीसँग हुनेछैनन् । यि दुई खेलाडीले पोल्यान्डसँडल २–० को हारको खेल पनि गुमाएको थियो । प्रतिबन्धका कारण मिडफिल्डर अब्दुलाह अल मल्की पनि मेक्सिकोविरु४ टोलीसँग हुनेछैनन् ।
यसबाहेक टोलीसँग
साउदीसँग मोहम्मद अल ओवेस, अली अल बुलैही, अब्दुल्लाह अल एम्री, अब्दुल्लाह मादु, हसन तामबक्ति, सुल्तान अल घनाम, मोहम्मद अल ब्रेक, साउद अब्दुलहमिद रियाद शाराहिली, अली अल हसन, मोहम्मद कन्नो, सामी अल नाजेई, अब्दुल्लाह ओताएफ, नासेर अल दसारी, अब्दुलरहमान अल एबौद, सलेम अल दसारी, हत्तन बाहेब्रि, फहाद अल मुवाल्लाद, हैथम एसिरी, साले अल शेरी र फिरास अलबुराइकन छन् ।
तुलनात्मक रुपमा मेक्सिकोको नकआउट चरण पुग्ने सम्भावना कम छ । तर, आँफुले साउदी अरेबियालाई हराएर पोल्यान्डले पनि अर्जेन्टिनालाई पराजित गर्दा मेक्सिको अन्तिम १६ मा पुग्नेछ ।
यो अवस्थामा अर्जेन्टिना र साउदी अरेबिया बाहिरिनेछ । दुवै खेल बराबरीमा सकिए यो समूहबाट पोल्यान्ड र अर्जेन्टिना नकआउट चरणमा पुग्नेछन् । समूह चार पार गर्ने सम्भावना जीवितै राख्न पनि मेक्सिको जितको लक्ष्य लिएर मैदान उत्रनेछ ।
मेक्सिको सन् १९९४ यता लगातार सातौपटक नकआउट चरणमा पुगेको छ । टोली लगातार आठौंपटक नकआउट चरणमा पुग्ने लक्ष्यमा हुनेछ ।
टोलीसँग गिलेर्मे ओचोआ, नेस्ट्रो अराउजो, जेसस गालार्डो, जेरार्डो अर्टेगा, हेक्टर मोरेनो, जोर्गे सान्चेज, जोहान भाज्केज, सेजार मोन्टेस, केभिन अल्भारेज, एरिक गुटिएरेज, ओर्बेलिन पेनेडा, हेक्टर हरेरा, कार्लोस रोड्रीग्वेज, आन्द्रेस ग्वाड्राडो, रोबर्टो अल्भाराडो, एड्सन अल्भारेज, लुइस चाभेज, उरीएल अन्तुना, लुइस रोमो, हर्भिङ लोजानो, रोजेलिओ फुनेस मोरी, हेनरी मार्टिन, राउल जिमिनेज र एलेसिस भेगा रहेका छन् ।
यि दुई टोली हालसम्म पाँच पटक भिडेका छन् । चार खेल मेक्सिकोले जित्दा एक खेल बराबरीमा सकिएको छ । मेक्सिको यही अपराजित यात्रालाई निरन्तरता दिदै जितको लक्ष्यमा रहँदा साउदी पहिलोपटक मेक्सिकोलाई हराउने योजनमा छ ।
यि दुई टोली पछिल्लोपटक सन् १९९९ को फिफा कन्फेडेरेसन कपमा खेलेको थियो । जसमा मेक्सिको ५–१ ले विजयी भएको थियो ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]