default_image

1 year ago

December 2, 2022

पोर्चुगल र दक्षिण कोरिया खेल्दै

एजेन्सी – एसियाली राष्ट्र कतारमा जारी फिफा विश्वकप २०२२ मा आज पोर्चुगलले समूह चरणको अन्तिम खेलमा दक्षिण कोरियासँग खेल्दैछ । पोर्चुगल र कोरियाबीचको खेल एजुकेशन सिटी रंगशालामा नेपाली समयअनुसार राति ८ः४५ बजेपछि हुनेछ । यही समयमा उरुग्वे र घानाले पनि प्रतिस्पर्धा गर्नेछ । पोर्चुगल लगातार दुई खेल जित्दै अन्तिम १६ मा पुगिसकेको छ । अन्तिम […]

154 views

0 Bookmark

एजेन्सी – एसियाली राष्ट्र कतारमा जारी फिफा विश्वकप २०२२ मा आज पोर्चुगलले समूह चरणको अन्तिम खेलमा दक्षिण कोरियासँग खेल्दैछ ।

पोर्चुगल र कोरियाबीचको खेल एजुकेशन सिटी रंगशालामा नेपाली समयअनुसार राति ८ः४५ बजेपछि हुनेछ । यही समयमा उरुग्वे र घानाले पनि प्रतिस्पर्धा गर्नेछ ।

पोर्चुगल लगातार दुई खेल जित्दै अन्तिम १६ मा पुगिसकेको छ । अन्तिम १६ मा स्थान बनाइसकेको पोर्चुगल समूह विजेता बनेर अघि बढ्न चहान्छ । दक्षिण कोरियाविरुद्ध बराबरीको नतिजा नै पोर्चुगलाई समूह विजेता बन्न पर्याप्त हुनेछ । यो अवस्थाका बीच पोर्चुगल आफ्नो खेलमा जित निकाल्ने लक्ष्यमा हुनेछ । दक्षिण कोरियासँग पराजित भएपनि उरुग्वे र घानाले बराबरी खेलेमा पनि पोर्चुगल समूह विजेता बन्नेछ ।

टोलीसँग डिओगो कोस्टा, जोआओ क्यान्सेलो, डिओगो डालोट, रुबेन डायस, राफेल गुरेइरो, पेपे, एन्टोनियो सिल्भा, विलियम कार्भाल्हो, ब्रुनो फर्नान्डेस, जोआओ मारियो, रुबेन नेभेस, म्याथियस नुनेस, जोआओ पाल्हिन्हा, बर्नाडो सिल्भा र भिटिन्हा, जोआओ फेलिक्स, रिकार्डो होर्टा, राफयल लियो, गोन्कालो रामोस, क्रिस्टियानो रोनाल्डो र आन्द्रे सिल्भा छन् । दक्षिण कोरियाविरुद्ध प्रशिक्षक फर्नान्डो सान्तोषले सिनियर खेलाडीलाई विश्राम पनि दिन सक्नेछ ।

दक्षिण कोरिया पोर्चुगललाई स्तब्ध पारेर अघिल्लो चरणमा पुग्न चहान्छ । कोरियाको लागि भने नकआउट चरणमा पुग्नका लागि पोर्चुगललाई हराएर मात्र पुग्दैन अर्को खेलमा घानाले उरुग्वेसँग बराबरी वा उरुग्वेले घानालाई हराउनुपर्नेछ । कोरिया र उरुग्वेले आफ्नो खेल जिते दुवैको समान ४ अंक हुनेछ र यस्तोमा गोलअन्तर निर्णायक हुनेछ ।

यसअघिको दुई संस्करणको समूह चरणबाट बाहिरिएको दक्षिण कोरिया यसपल्ट त्यो विगत दोहो¥याउन चाहदैन । दक्षिण कोरियाले पछिल्लोपटक २०१० मा समूह चरण पार गरेको थियो ।

दक्षिण कोरियासँग किम स्युङ–ग्यु, किम मिन जे, किम योङ ग्वोन, क्वोन क्युङ वोन, चो यु मिन, किममुन ह्वान, युन जोङ ग्यु, किम ताइ ह्वान, किम जिन सु, होल चुल, जोङ वु योङ, सान जुन हो, पाइक सुङ हो, ह्वाङ इन बुम, लि जेसुङ, क्वोन चाङ हुन, ज्योङ वु योङ, लि काङ इन, ना साङ हो, सङ मिन क्यु, सन ह्युङ मिन, ह्वाङ यी जो र चो ग्वी सुङ छन् ।

यि दुई टोली हालसम्म एकपटक प्रतिस्पर्धा दक्षिण कोरिया विजयी भएको छ । सन् २००२ मा घरेलु भुमिमा आयोजना भएको विश्वकपमा दक्षिण कोरियाले पोर्चुगललाई समूह चरणमा १–० ले पराजित गरेको थियो । त्यसबेला पार्क जि सुङले निर्णायक गाेल गरेका थिए ।

त्यसयता यि दुई टोलीबीच पहिलोपटक प्रतिस्पर्धा हुन लागेको हो । दक्षिण कोरिया उक्त जितलाई निरन्तरता दिने लक्ष्यमा रहँदा पोर्चुगल उक्त हारको बदला लिने सोचमा हुनेछ ।

March 27, 2024

स्लोभेनियासँग पोर्चुगल स्तब्ध

एजेन्सी– अन्तर्राष्ट्रिय मैत्रीपूर्ण खेलमा पोर्चुगल स्लोभेनियासँग स्तब्ध बनेको छ । नौं मिनेटको अन्तरालमा दुई गोल बेहोरेपछि पोर्चुगल घरेलु टोली स्लोभेनियासँग २–० ले स्तब्ध बनेको हो । घरेलु टोली स्लोभेनियाको जितमा एडम नेज्दा सेरिन र टिमी एल्सनेकले गोल गरे । गोल खेलको अन्त्यतिर ९ मिनेटको अन्तरमा भएको थियो । स्लोभेनियामा मंगलबार राति भएको खेलमा पाहुना टोली […]

March 27, 2024

बेलिङहमको गोलमा इंग्ल्यान्ड हारबाट जोगियो

एजेन्सी – स्पेनिस क्लब रियल म्याड्रिडका मिडफिल्डर जुड बेलिङहमले अन्तिम समयमा गोल गरेपछि अन्तर्राष्ट्रिय मैत्रीपूर्ण खेलमा इंग्ल्यान्ड हारबाट जोगिएको छ । घरेलु मैदानमा इंग्ल्यान्डले बेल्जियमसँग २–२ गोलको बराबरी खेलेको हो । एक गोल इभान टोनीले गरे । बेल्जियमका लागि दुवै गोल युरी टिलेमान्सले गरेपनि जितको लागि पर्याप्त भएन । वेम्वली स्टेडियम लन्डनमा मंगलबार राति भएको […]

March 27, 2024

क्रुस चम्कँदा जर्मनीले नेदरल्यान्ड्सलाई हरायो

एजेन्सी – तीन वर्षपछि राष्ट्रिय टोलीका फर्किएका मिडफिल्डर टोनी क्रुसको उच्च प्रदर्शनमा जर्मनीले अन्तर्राष्ट्रिय मैत्रीपुर्ण खेलमा नेदरल्यान्ड्सलाई पराजित गरेको छ । जर्मनीले १–० ले पछि परेको स्थितिमा नेदरल्यान्ड्समाथि २–१ को पूनरागमन जित निकालेको हो । फ्रान्कफुर्ट जर्मनीमा मंगलबार राति भएको खेलमा घरेलु टोलीको जितमा म्याक्सिमिलियन मिटलस्टेड र निकलस फुल्करगले गोल गरे । नेदरल्यान्ड्सका जोए भिरमानको […]

Success

Thank you for your time.