default_image

3 years ago

December 2, 2022

नकआउटमा पुग्न सर्विया र स्वीट्जरल्यान्डले निर्णायक खेल खेल्दै

188 views

0 Bookmark

एजेन्सी – फिफा विश्वकप कतार २०२२ अन्तरगत समूह ‘जी’ बाट नकआउट चरणमा पुग्न र स्वीट्जरल्याण्ड र सर्वियाले निर्णायक खेल खेल्दैछन् ।

यी दुई मध्ये जित्ने टिम अन्तिम १६ मा पुग्नेछ । यि दुई टोलीबीचको खेल राति १२ः४५ बजे हुनेछ । यही समयमा ब्राजिल र क्यामरुनले पनि खेल्दैछ ।

स्वीट्जरल्याण्डले जित हात पारे अन्तिम १६ मा पुग्नेछ । पराजित हुने टोली समूह चरणबाटै बाहिरिनेछ । सर्वियालाई हराएर स्वीट्जरल्यान्ड लगातार तेस्रो पटक नकआउट चरणमा पुग्ने योजनामा मैदान उत्रनेछ ।

यान सोमर, म्यानुएल अकान्जी, एरय कोमेर्ट, निको एल्भेडी, रिकार्डो रोड्रीग्वेज, फाबिएन सेर, सिल्भान विडमर, ग्रानिट झाका, एडिमिल्सन फर्नान्डेस, फाबियन फ्रेई, रेमो फ्रुलर, आर्डन जाशारी, फाबियन रिडर, जेर्डान शाकिरी, जिब्रिल सो, रेनाटो स्टेफेन, डेनिस जाकारिया, मिसेल एबिसर, ब्रिल एम्बोलो, क्रिस्टियन फासानाट, नोआ ओकाफोर, हारिस सेफेरोभिच र रुबेन भार्गास छन् ।

यता, सन् २०१० पछि सर्विया एन्ड मोन्टेनेग्रोबाट बनेको सर्विया पहिलोपटक नकआउट चरणमा पुग्ने लक्ष्यमा हुनेछ । यो बीचमा दुई पटक विश्वकप खेलेको सर्वियाले नकआउट चरण पुग्न सकेको छैन ।

सर्वियालाई अघिल्लो चरण पुग्न भने स्वीट्जरल्याण्डलाई हराउनुसँगै अर्को खेलमा ब्राजिलले क्यामरुनलाई पराजित गर्नुपर्नेछ । सर्विया र क्यामरुन दुवैले जितेको अवस्थामा अंक समान ४ हुँदा गोल अन्तर निर्णायक हुनेछ ।

सर्वियासँग मार्को डिमिट्रोभिच, स्टेफान मिट्रोभिच, निकोला मिलेन्कोभिच, स्ट्राहिन्जा पाभ्लोभिच, मिलोस वेल्जकोभिच, फिलिप म्लादेनोभिच, स्ट्रहिन्जा एराकोभिच, सरजान बाबिच, नेमान्जा गुडेल्ज, सर्गे मिलिन्कोभिच–साभिच, सासा लुकिच, मार्को ग्रुजिच, फिलिप कोस्टिच, उरोस रासिच, नेमान्जा माक्सिमोभिच, इभान इलिच, एन्ड्रिजा जिभकोभिच, डार्को लाजोभिच, डुसान टाडिच, एलेक्सान्डर मिट्रोभिच, डुसान भ्लाहोभिच, फिलिप डुुरिसिस, लुका जोभिच र नेमान्जा राडोन्जिच छन् ।

यि दुई टोलीले हालसम्म एक पटक खेलेको छ । सन् २०१८ मा भएको विश्वकपमा पनि यि दुई टोलीले समूह चरणमा भिड्दा स्वीट्जरल्यान्ड २–१ ले विजयी भएको थियो । स्वीट्जरल्यान्ड सोही जितलाई निरन्तरता दिन योजनामा हुँदा सर्विया उक्त हारको बदला लिने लक्ष्यमा हुनेछ ।

समूहमा ब्राजिलको ६ अंक छ । स्वीट्जरल्यान्डको ३ तथा क्यामरुन र सर्वियाको समान १ अंक छ ।

December 12, 2025

युरोपा लिग – ६ टोलीको नकआउट चरण पक्का

एजेन्सी – एस्टन भिल्ला, फेरेन्कभारोस, फ्राइबर्ग, लियोन, मिड्ट्युल्यान्ड र रियल बेटिसले छैंटौं खेलको नतिजासँगै युइएफए युरोपा लिगको नक आउट चरणमा स्थान पक्का गरेका छन्। लिग चरणमा शीर्ष ८ टोली सिधै राउन्ड अफ १६ मा पुग्ने प्रावधानअनुसार ६ टोलीले आफ्नो स्थान सुरक्षित गरका हुन्। अवे मैदानमा फेनेरबाचले ब्रानलाई ४–० को फराकिलो अन्तरले पराजित गर्‍यो। खेलको सुरुवातबाटै […]

December 11, 2025

इस्ट बंगालको दोस्रो जित, एपिएफ रोकियो

काठमाडौं (हाम्रो खेलकुद)- भारतीय क्लब इस्ट बंगाल एफसीले दशरथ रंगशालामा जारी साफ महिला क्लब च्याम्पियनसिपमा लगातार दोस्रो जित निकालेको छ। अर्को खेलमा नेपालको लिग च्याम्पियन एपिएफ बराबरीमा रोकिएको छ। इस्ट बंगालले पाकिस्तानी क्लब कराँची सिटी एफसी २-० ले हराएको छ। इस्ट बंगालका लागि सुलन्जना राहुलले पाँचौं मिनेटमा र रिस्टी नानजिराले ४९ औं मिनेटमा गोल गरिन् […]

December 11, 2025

राष्ट्रिय लिगको विजेताले ५० लाख पाउने

काठमाडौं (हाम्रो खेलकुद)- अर्को महिना सुरु हुने राष्ट्रिय लिगको विजेताले ५० लाख रुपैयाँ प्राप्त गर्ने भएको छ।अखिल नेपाल फुटबल संघ (एन्फा) र राष्ट्रिय लिग खेल्ने १७ क्लबका प्रतिनिधिबीच आज छलफल भएको थियो। राष्ट्रिय लिगको दोस्रो टोलीले २५ लाख र तेस्रो टोलीले १५ लाख रुपैयाँ प्राप्त गर्ने एन्फाले जनाएको छ।राष्ट्रिय लिग पुस २५ गते त्रिपुरेश्वरस्थित दशरथ […]

Success

Thank you for your time.