1 year ago
December 2, 2022
सुबास हुमागाईं, कतार फिफा विश्वकप कतार २०२२ अन्तर्गत अन्तिम १६ को खेलमा अष्ट्रेलियाको सामना गर्नुअघि अर्जेन्टिनाका प्रशिक्षक लिओनेल स्कालोनीले बंगलादेशका समर्थकलाई धन्यवाद दिएका छन् । अर्जेन्टिनाको लिगले ट्वीटरमा बंगलादेशमा अर्जेन्टिनाका समर्थक तथा मेस्सी बंगलादेशको झन्डासहित तस्वीर प्रकाशित भएको थियो । त्यसबारे पत्रकार सम्मेलनमा सोध्दा स्कालोनीले यस्तो जवाफ दिए । ‘पहिला डिएगो र अहिले मेस्सीका कारण […]
सुबास हुमागाईं, कतार
फिफा विश्वकप कतार २०२२ अन्तर्गत अन्तिम १६ को खेलमा अष्ट्रेलियाको सामना गर्नुअघि अर्जेन्टिनाका प्रशिक्षक लिओनेल स्कालोनीले बंगलादेशका समर्थकलाई धन्यवाद दिएका छन् ।
अर्जेन्टिनाको लिगले ट्वीटरमा बंगलादेशमा अर्जेन्टिनाका समर्थक तथा मेस्सी बंगलादेशको झन्डासहित तस्वीर प्रकाशित भएको थियो । त्यसबारे पत्रकार सम्मेलनमा सोध्दा स्कालोनीले यस्तो जवाफ दिए । ‘पहिला डिएगो र अहिले मेस्सीका कारण विश्वभर अर्जेन्टिनालाई मन पराउने खेलप्रेमी छन् । यो फुटबलकै कारण भएको हो । हामीले देख्यौं बंगलादेशका समर्थकले अर्जेन्टिनाको समर्थन गर्छन् । अन्य थुप्रै देश पनि छन् जसले हामीलाई समर्थक गरेका छन् । यसले हामीलाई निकै हौसला बढाउँछ । बंगलादेशलाई धन्यवाद भन्न चाहन्छु,’ उनले भने ।
Lionel Messi 🤜🤛 Bangladesh
— Liga Profesional Eng (@LigaAFA_Eng) November 28, 2022
🇦🇷🇧🇩
That's it. That's the tweet. pic.twitter.com/5QJBYDIgVD
स्कालोनीले यसपटक विश्वकपमा कुनै टोलीलाई कमजोर आँक्न नमिल्ने पनि बताए । ‘यसपटक विश्वकपमा कुनै टोली सानो ठूलो भन्ने छैन । विश्वकपमा आउन हरेक टोलीले राम्रो तयारी गरेका छन् । ठूला नाम गरका टिम अघि बढ्नुपर्छ भन्ने हुँदैन । खेलको दौरान राम्रो तयारीले धेरै फरक पार्छ र यसपटक हामीले त्यस्तो नतिजा देखेका छौं । हिजोको खेलमा पनि त्यस्तै हो, एक समयमा खेलमा पकड जमाएपछि रणनीतिमा खेल्ने हो,’ उनले भने ।
अष्ट्रेलियाविरुद्ध खेलका लागि अझै सुरुवाती ११ तयार नभएको उनले बताए । ‘भोली कसरि खेल्ने भन्ने सोचेका छौं । तर को खेल्छ भन्ने निर्णय लिइसकेको छैन । आज प्रशिक्षणपछि खेलाडीको अवस्था हेरेर अन्तिम टोली छनोट हुनेछ,’ उनले भने ।
कतारमा जारी प्रतियोगितामा एसियाली राष्ट्रले राम्रो नतिजा निकालेका छन् । तर स्कलोनीले अष्ट्रेलियालाई एसियाको मात्र नभएर एक राम्रो टोलीको रुपमा हेरेको बताए । ‘एसियामा खेलेको भएर होइन, अष्ट्रेलिया राम्रो भएको कारण नै कठिन हुन्छ जस्तो लाग्छ । अष्ट्रेलिया विश्वकपमा इतिहास बोकेको टोली हो । छनोटमा पनि राम्रो खेलेको टोली हो । विंगमा राम्रा खेलाडी छन् । मिडफिल्डमा अनुभव बोकेका खेलाडी छन् । पक्कै सहज खेल हुने छैन,’ उनले भने ।
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]
April 25, 2024
एजेन्सी – इंग्लिस प्रिमियर लिगको उपाधि दौडमा रहेको लिभरपुल बुधबारको खेलमा स्तब्ध भएको छ।एभर्टनले लिभरपुललाई २- ० ले हराएको छ । जितपछि एभर्टनको रेलिगेसनबाट जोगिने सम्भावना बलियो भएको छ । टोली ३३ अंकसहित १६औं स्थानमा छ। लिग जित्ने लिभरपुलको सम्भावना कमजोर बनेको छ । एभर्टनले आफ्नो घरेलु मैदानमा लिभरपुललाई सन् २०१० को अक्टोबरपछि पहिलो पटक […]