कतार (हाम्रो खेलकुद) – फिफा विश्वकप कतार २०२२ अन्तर्गत समूह चरणको अन्तिम खेलमा पोर्चुगलले स्टार मिडफिल्डर ब्रुनो फर्नान्डेसलाई बेन्चमा राखेको छ । पोर्चुगलले अन्तिम खेलमा दक्षिण कोरियाको सामना गर्दैछ ।
पोर्चुगलले टोलीका मुख्य खेलाडीलाई विश्राम दिँदै पछिल्ला खेलमा बेन्चमा रहेका खेलाडीलाई अवसर दिएको छ । टोलीका कप्तान क्रिस्टियानो रोनाल्डो भने पहिलो रोजाइमा रहेका छन् । उनलाई भितिन्हा र रिकार्डो होर्टाले साथ दिनेछन् । मिडफिल्डमा रुबेन नेभेस, जोआओ मारियो र माथिअस नुनेस खेल्दैछन् ।
डिफेन्समा रुबेन डियासले विश्राम पाउँदा युवा डिफेन्डर एन्टोनियो सिल्भाले सुरुवात गर्दैछन् । डिओगो डालोट र जोआओ क्यान्सेलोसँग पेपे पनि डिफेन्समा छन् । डिओगो कोस्टा गोलरक्षकमा छन् ।
कोरियाले कप्तान ह्युङ मिन सन र मुख्य फरवार्ड ग्युसुङ चोलाई आक्रमणमा उतारेको छ । कांगइन ली, ह्वाङ इन्बेम, ली जे सुङ र जुंग वोयुङले मिडफिल्ड सम्हाल्नेछन् । डिफेन्समा किम योङवुन, क्वों क्युङवन, किम जिन्सु र किम मूनह्वान छन् । गोलरक्षक किम स्युङयु छन् ।
