कतार (हाम्रो खेलकुद) – फिफा विश्वकप कतार २०२२ अन्तर्गत समूह चरणको अन्तिम खेलमा ब्राजिलले क्यामरुनको सामना गर्दैछ । नकआउट चरणमा स्थान पक्का गरेको ब्राजिलले अन्तिम खेलमा चोटका बाबजुद मुख्य खेलाडीलाई विश्राम दिएको छ ।

ब्राजिलले आक्रमणमा रिचार्लीसनको स्थानमा ग्यब्रीएल जेससलाई खेलाएको छ । त्यस्तै राफिन्हा र भिनीसियसको स्थानमा ग्यब्रीएल मार्टिनेली र एन्टोनी खेल्दैछन् । डिफेन्समा एडर मिलिसाओ र ब्रेमरको जोडीले अवसर पाएको छ । थियागो सिल्भा र मार्किन्हस विश्राममा छन् । टोलीको कप्तानी ड्यानी आल्भेसले सम्हाल्ने भएका छन् ।

मिडफिल्डमा क्यासेमिरोको स्थानमा फाबिन्होले सुरुवात गर्दैछन् । ब्राजिलले नियमित गोलरक्षक एलिसनलाई विश्राम दिँदै एडरसनलाई पहिलो रोजाइमा अवसर दिएको छ । लेफ्ट ब्याकमा एलेक्स टेलेस तथा मिडफिल्डमा फ्रेड र रोड्रीगो खेल्दैछन् ।

चोटका कारण ब्राजिलको टोलीबाट नेयमार, ड्यानिलो र एलेक्स सान्ड्रो खेलमा उपस्थित छैनन् । अन्य खेलाडीले भने बेन्चबाट मैदान प्रवेश गर्न सक्नेछन् । ब्राजिलले समूह विजेता पक्का गर्न बराबरी खेले पुग्छ । हारले पनि टोली समूह विजेता बन्न सक्छ तर अन्य खेलको नतिजा कुर्नुपर्ने हुन्छ । क्यामरुनलाई भने जितको विकल्प छैन ।

ब्राजिल कतारमा जारी विश्वकपमा सबै खेल जित्ने एकमात्र टोली बन्न चाहन्छ । हालसम्म प्रतियोगिता खेलेका ३२ टोलीमध्य अंक गुमाउन बाँकी रहेको ब्राजिल एकमात्र टोली हो ।

सुरुवाती ११ :