सुबास हुमागाईं, कतार
फिफा विश्वकप कतार २०२२ अन्तर्गत अन्तिम १६ को खेलमा अर्जेन्टिना र अष्ट्रेलियाले पहिलो रोजाइमा १-१ परिवर्तन गरेका छन् ।
अर्जेन्टिनाले विंगर एन्जल डी मारियाको स्थानमा मिडफिल्डर आलेहान्द्रो गोमेजलाई पहिलो रोजाइमा राखेको छ । आक्रमणमा कप्तान लिओनेल मेस्सीलाई जुलियन अल्भारेजले साथ दिनेछन् । मिडफिल्डमा पछिल्लो खेलकै रोड्रीगो डे पल, एन्जो फर्नान्डेज र एलेक्सिस म्याक एलिस्टर रहेका छन् ।
अर्जेन्टिनाको गोलरक्षकमा एमिलियानो मार्टिनेज नियमित छन् । डिफेन्समा टोलीले परिवर्तन गरेको छैन । नाहुएल मोलिना, क्रिस्टियन रोमेरो, निकोलस ओटामेन्डी र मार्कस अकुनाले स्थान निरन्तरता दिएका छन् ।
यता अष्ट्रेलियाले मिडफिल्डमै एक परिवर्तन गर्ने क्रममा किनु बाकसलाई टोलीमा समेटेको छ । पछिल्लो खेलमा बेन्चबाट आएर मिडफिल्डलाई मजबुत बनाएका उनले क्रेग गुडविनको स्थान लिएका हुन् । अष्ट्रेलियाको गोलरक्षकमा कप्तान म्याट रायन छन् । डिफेन्समा अग्ला कदका ह्यारी सुटरलाई काइल रोवल्सले साथ दिनेछन् । विंगब्याकमा मिलोस डेगेनेक र अजिज बेहिच नियमित छन् ।
मिडफिल्डमा अनुभवी म्याथ्यु लेकि र आरोन मोयसँगै ज्याक्सन अर्भाइन र किनु बाकस छन् । अक्र्मानको जिम्मेवारी मिचेल डुक र राइली मक्ग्रीले सम्हाल्नेछन् ।
अर्जेन्टिना सुरुवाती ११ :
एमिलियानो मार्टिनेज
नाहुएल मोलिना – क्रिस्टियन रोमेरो – निकोलस ओटामेन्डी – मार्कस अकुना
रोड्रीगो डे पल – एन्जो फर्नान्डेज – एलेक्सिस म्याक एलिस्टर
आलेहान्द्रो गोमेज
लिओनेल मेस्सी – जुलियन अल्भारेज
अष्ट्रेलिया सुरुवाती ११ :
म्याट रायन
मिलोस डेगनेक – ह्यारी सुटर – काइल रोवल्स – अजिज बेहिच
म्याथ्यु लेकि – आरोन मोय – ज्याक्सन अर्भाइन – किनु बाकस
मिचेल डुक – राइली मक्ग्री
