7 years ago
December 27, 2016
काठमाडौं (हाम्रो खेलकुद)– फुटबल विकासका लागि सामूहिक प्रयास थाल्ने उद्देश्यका साथ ए डिभिजन क्लबहरु नेपाल क्लब फुटबल समिति गठन गर्न सहमत भएका छन् । जावलाखेल युथ क्लबको पहलमा मंगलबार ए डिभिजन क्लबका पदाधिकारीहरुको भेलाले समिति गठनको अनौपचारिक सहमति जुटाएको हो । भेलाले जावलाखेल क्लबकै अध्यक्ष ठूलोभाई केसीलाई तदर्थ समितिको संयोजक तोकेको छ । अखिल नेपाल […]
काठमाडौं (हाम्रो खेलकुद)– फुटबल विकासका लागि सामूहिक प्रयास थाल्ने उद्देश्यका साथ ए डिभिजन क्लबहरु नेपाल क्लब फुटबल समिति गठन गर्न सहमत भएका छन् । जावलाखेल युथ क्लबको पहलमा मंगलबार ए डिभिजन क्लबका पदाधिकारीहरुको भेलाले समिति गठनको अनौपचारिक सहमति जुटाएको हो ।
भेलाले जावलाखेल क्लबकै अध्यक्ष ठूलोभाई केसीलाई तदर्थ समितिको संयोजक तोकेको छ । अखिल नेपाल फुटबल संघ (एन्फा) को स्वीकृतिपछि समितिले औपचारिकता पाउने जावलाखेल क्लबका महासचिव मनमोहन केसीले जानकारी दिए । भेलामा ९ क्लबका प्रतिनिधिको सहभागिता रहेको थियो । भेलामा तीन विभागिय टोली तथा लक्ष्मी हुन्डाई मनाङ मस्र्याङ्दी र न्युरोड टिम (एनआरटी) सहभागिता थिएन । एनआरटीका अध्यक्ष दीपकहर्ष बज्राचार्यले सातौं राष्ट्रिय खेलकुदका लागि पूर्वाञ्चलमा रहेकाले आउन नसक्ने र मनाङसँग सम्पर्क हुन नसकेको महासचिव केसीले बताए । बज्राचार्य नेपाल जुडो संघका अध्यक्ष समेत हुन् ।
एन्फाको लापरवाहीका कारण छनोट चरण पार भएर पनि रुस्लान थ्री स्टार क्लबले एएफसी कप प्ले अफ खेल्न नपाएपछि पछिल्लो पटक फुटबल क्लब समितिको चर्चा सुरु भएको थियो । ‘क्लबहरु फुटबल विकासका लागि नै गठन भएका हुन् । एक्ला एक्लै भन्दा पनि सामूहिक रुपमा प्रयास गर्दा लक्ष्य प्राप्त गर्न सहज हुने देखेर हामी एक ठाँउमा भेला भएका हौ ’ थ्री स्टारका कार्यवहाक अध्यक्ष अरुणमान जोशीले भने, ‘कुनै पनि विषयमा एक्लै लड्नु भन्दा मिलेर लड्दा सफलता प्राप्त हुने सम्भावना बढ्छ ।’ एन्फाबाट स्वीकृत भएपछि समितिमा हरेक क्लबबाट दुई दुई जना प्रतिनिधि राख्ने समेत सहमति जुटेको जावलाखेलका महासचिव केसीले बताए ।
सहिद स्मारक ए डिभिजन लिग सञ्चालनका विषयमा एन्फाले पुस १४ गते बैठक डोकेकाले सामूहिक धारणा बनाउनका लागि पनि क्लबहरु भेला भएका थिए । राष्ट्रिय लिग २०७२ को अन्त्य सम्पन्न भएपछि ए डिभिजन लिग २०७० बाट यता हुन सकेको छैन । अहिले अधिकांश क्लबहरु खेलाडी विहिन रहेकाले राष्ट्रिय लिग गर्ने र त्यसमा इच्छुक क्लबलाई सहभागि गराएर सञ्चालन गर्न एन्फालाई सुझाव दिने पनि भेलामा सहमति बनेको केसीले बताए । ‘एन्फाले बोलाएको बैठकमा जानुअघि सामूहिक छलफलबाट धारणा बनाउँदा बैठक पनि उपलब्धी मुलक हुन्छ ’ महासचिव केसीले भने, ‘पर्सी हुने बैठकलाई मध्यनजर गरेपनि हामीले भेला डोकेका हौं ।’
लिगका लागि तयारी खर्च २० बाट बढाएर २५ लाख रुपैयाँ पुर्याउन पनि एन्फासँग माग राख्नेमा क्लबहरु एकमत भएका छन् । छलफलमा हिमालयन शेर्पाका अध्यक्ष कर्मा छिरिङ शेर्पा, जावलाखेलका पूर्व अध्यक्ष सुनिल राणा, थ्री स्टारका कार्यवहाक अध्यक्ष जोशी र महासचिव सञ्जिव शिल्पकार, संकटाका अध्यक्ष इन्द्रमान तुलाधर, फ्रेन्ड्सका अध्यक्ष रत्नशम्सेर राणा, मछिन्द्र क्लबका अध्यक्ष जिवेन्द्र कर्माचार्य, सरस्वतीका उपाध्यक्ष उत्तम भण्डारी र सचिव भुवन पराजुलीलगायत क्लबका अन्य प्रतिनिधिको पनि उपस्थिति थियो ।
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]
April 25, 2024
सुर्खेत (हाम्रो खेलकुद) – महिला लिग छनोटमा कर्णाली प्रदेशले बुधबार बागमती प्रदेशलाई ३–२ ले पराजित गरेको छ । छनोटमा घरेलु टोली कर्णालीको तेस्रो खेलमा यो दोस्रो जित हो । बागमतीले भने अंकको खाता खोल्न सकेको छैन । सर्खेतस्थित कर्णाली प्रदेश रंगशालामा भएको खेलको ४१ औं मिनेटमा सुनकला राईले गोल गर्दै कर्णालीलाई अग्रता दिलाइन् । तर […]
April 25, 2024
एजेन्सी – केलियन एमबाप्पेले दुई गोलसँगै एक असिस्ट प्रदान गरेपछि पेरिस सेन्ट जर्मेन (पिएसजी) ले फ्रेन्च लिग वानमा सानदार जित दर्ता गर्दै उपाधि यात्रालाई थप मजबुत बनाएको छ । पिएसजीले रेलिगेसन क्षेत्रमा संघर्ष गरिरहेको घरेलु टोली लोरिएन्टमाथि ४–१ को सानदार जित दर्ता गर्दै लिग वानको उपाधि नजिक पुगेको हो । पिएसजीका लागि थप दुई गोल […]