दिपेश तिमल्सिना
सिलिगुडी – नेपाली महिला टोलीका प्रशिक्षक कुमार थापाले मंगलबार टोलकिा खेलाडीका साथ जन्मदिन मनाएका छन् । महिला साफ च्याम्पियनसिपमा नेपाललाई च्याम्पियन बनाउने लक्ष्यका साथ यहाँ आएका थापालाई खेलाडीले उनकै फोटो उपहार दिएका थिए ।
केही दिनअघि प्रशिक्षकका रुपमा थापाले डेब्यू गरेको खेलका दौरान खिचिएको फोटो उनलाई दिइएको थियो । मलेसियाविरुद्धको मैत्रीपूर्ण खेलमा उनले डेब्यू गरेका थिए । मलेसियासँग नेपाल १–० ले विजयी भएको थियो ।
थापाले खेलाडीका बीचमा केक काटेका थिए । थापाको प्रशिक्षणमा नेपालले साफ च्याम्पियनसिपमा विजयी सुरुआत गरिसकेको छ । भुटानलाई ८–० ले हराएको नेपालले बुधबार माल्दिभ्सको सामना गर्दैछ ।
