दिपेश तिमल्सिना – सिलिगुडी  – भारतको सिलिगुडीमा जारी महिला साफ च्याम्पियनसिपको दोस्रो खेलमा नेपालले माल्दिभ्स बिरुद्द ९-० को विजयी नतिजा निकालेको छ । पहिलो खेलमा ६ गोल गरेकी साबित्राले दोस्रो खेलमा ५ गोल गरेकी छिन ।

लगातार दोस्रो जित हासिल गरेको नेपालको सेमिफाइनलमा स्थान लगभग पक्का भएको छ भने समुह बिजेता हुने सम्भावना पनि प्रवल छ । भुटानसँगको खेलमा घाइते भएकी मनमाया लिम्बुको स्थानमा अन्चली वाइवालाई मौका दिनु बाहेक नेपालले अन्य कुनै परिवर्तन गरेको थिएन ।

पहिलो हाल्फमा नेपाल ३-० को अग्रतमा रहदा साबित्रा भण्डारिले ह्याट्रीक गरेकी थीइन । १२ औं मिनेटमा पेनाल्टी बक्स भित्र विपक्षी गोलकिपर अघि बढेको मौका छोप्दै उनलाई नघाएर सावित्रा भण्डारीले गोल गरेकी थिइन् । दीपाले सेन्टरबाट दिएको पासलाई एक्लै अघि बढाउँदै सावित्राले पेनाल्टी बक्सको दायाँबाट प्रहार गरेको बल २८ मिनेटमा गोलमा परिणत भएको थियो ।  पहिलो हाफका लागि ६ मिनेट बाँकी रहँदा सावित्राले अर्को गोल गर्दै ह्याट्रिक गरेकी थिइन् । अनिताले प्रहार गरेका कर्नर गोलकिपरले नियन्त्रणमा लिन नसक्दा सावित्राले हेडमार्फत गोल गरेकी थिइन् ।

पहिलो हाल्फमा ३-० को अवस्थामा रहेको नेपालले दोस्रो हाल्फमा थप ६ गोल गर्‍यो । पहिलो हाल्फमा ३-० को अवस्थामा रहेको नेपालले दोस्रो हाल्फमा थप ६ गोल गर्‍यो । दोस्रो हाल्फको खेल सुरुभएको ५ मिनेटमा साबित्राले अर्को गोल गरिन । सावित्राले बायाँबाट अघि बढाउँदै पेनाल्टी बक्सबाट गरेको प्रहार गोलमा परिणत भएको थियो ।

त्यसको २ मिनेटपछी अनिताले बायाँबाट दिएको पासलाई सदुपयोग गार्दै मन्जली कुमारी योञ्जनले नेपालकोलागी अर्को गोल थपिन । त्यस्तै अनिताको असिस्टमा  विपक्षी गोलकिपरलाई नघाउँदै गोल गरेपछी साबित्राले आफ्नो पाचौं गोल पुरा गरिन । पाच गोल गरेकी साबित्राले ७१ मिनेटमा दायाँबाट गरेको क्रसलाई सहजै पास गर्दै सपनले नेपालको लागी थप गोल गरिन भने त्यसको ३ मिनेटपछी हिराकुमारी भुजेलले ३० यार्डबाट शानदार गोल गरिन । खेलको अतिरिक्त समयमा ८१ मिनेटमा मैदान प्रवेश गरिकी निर्मला विकेको गोल गर्दै नेपाललाई ९-० को सहज जितमा योगदान दिइन ।

समुहमा दुबै खेल जित्ने एकमात्र टोली नेपालले समुह ‘ए’ को अन्तिम खेलमा शुक्रबार श्रीलंकाको सामना गर्नेछ ।