7 years ago
December 29, 2016
सुमन भोम्जन स्मृति खेलकुद प्रतिष्ठानद्वारा आयोजित टुबोर्ग हेटौडा गोल्ड कप हेटौंडा (हाम्रो खेलकुद) – घरेलु टोली प्राइम पोलिक्लिनिक विजय युथले टुबोर्ग दोस्रो अन्तर्राष्ट्रिय फुटबल गोल्डकप प्रतियोगिता–२०७३ मा विजयी सुरुआत गरेको छ । सुमन भोम्जन स्मृति खेलकुद प्रतिष्ठानको आयोजनामा बिहीबारबाट हेटौंडामा सुरु भएको प्रतियोगिताको दोस्रो संस्करणमा सरस्वती युथ क्बल काठमाडौंको चुनौती ट्राइब्रेकरमा पन्छाउँदै घरेलु टोलीले अघिल्लो […]
सुमन भोम्जन स्मृति खेलकुद प्रतिष्ठानद्वारा आयोजित टुबोर्ग हेटौडा गोल्ड कप
हेटौंडा (हाम्रो खेलकुद) – घरेलु टोली प्राइम पोलिक्लिनिक विजय युथले टुबोर्ग दोस्रो अन्तर्राष्ट्रिय फुटबल गोल्डकप प्रतियोगिता–२०७३ मा विजयी सुरुआत गरेको छ ।
सुमन भोम्जन स्मृति खेलकुद प्रतिष्ठानको आयोजनामा बिहीबारबाट हेटौंडामा सुरु भएको प्रतियोगिताको दोस्रो संस्करणमा सरस्वती युथ क्बल काठमाडौंको चुनौती ट्राइब्रेकरमा पन्छाउँदै घरेलु टोलीले अघिल्लो चरणको यात्रा तय गरेको हो । निर्धारित समय १–१ गोलको बराबरीमा टुंगिएपछि खराब प्रकाशका कारण थप समयमा नलगी सिधै टाइब्रेकरमा लगिएको थियो । पेनाल्टी सुटआउटमा विजय युथ ३–१ ले विजयीभ यो ।
विजयी युथका लागि पेनाल्टीमा सुनिल बल, मार्टिन अजिद र सुरज बिष्टले गोल गरे । विजय युथका सञ्जय राजबाहकको प्रहार बाहिरिएको थियो । सरस्वतीका लागि जनम लिगले मात्र ट्राइब्रेकरमा गोल गरे । कुमार गिरी, तीर्थ बस्नेत र बबीले प्रहार विजय युथका गोलरक्षक अशोक बरालले रोके । गोलकिपर बराल एएफयु म्यान अफ दी म्याच घोषित भए । उनले नगद तीनहजार रुपियाँ पनि प्राप्त गरे । खेलको २२ औं मिनेटमा राष्ट्रिय टोलीबाट खेलिसकेका सुनिल बलले विजय युथलाई अग्रता दिलाएका थिए । उनले डिबक्सबाहिरबाट हानेको ‘पावरफुल सट’ गोलमा परिणत भएको थियो ।
खेलमा सरस्वतीका गोलकिपर एलन न्यौपानेले आधा दर्जनभन्दा बढी विजय युथका प्रहार बचाए । उनले पहिलो हाफ्मा मार्टिनसँगको वान भर्सेज वान सटलाई समेत निस्तेज पारे । अधिकांश समय बललाई नियन्त्रणमा लिएपनि विजय युथले आफ्नो अग्रतालाई अन्तिम दश मिनेट जोगाउन सकेन । सरस्वतीका कुमार गिरीले खेलको ८० औं मिनेटमा गोल गर्दै खेललाई बराबरीमा ल्याएका थिए ।
‘धेरै खेलाडीलाई मौका दिन खोज्दा कठिन जित हात प¥यो । हाम्रा तीनजना खेलाडी सातौं राष्ट्रिय खेलकुदमा भएको कारण खेलमा केही कठिन भएको हो । सरस्वतीको डिफेन्डरको राम्रो प्रदर्शनका कारण हाम्रो फरवार्डले खुलेर खेल्न सकेनन्,’ विजय युथका प्रशिक्षक सुविन घिमिरेले पहिलो खेलमा भएको गल्तीलाई आगामी दिनमा सच्याउने बताए ।
सरस्वतीका टीम व्यवस्थापक प्रशिक्षक प्रदीप नेपालले नयाँ र जुनियर खेलाडीलाई मौका दिँदा खेलाडीले सोचअनुसारको प्रदर्शन गर्न नसकेको बताए । उनले घरेलु टोलीसँग धेरै दर्शकको बीचमा खेल्दा पनि खेलाडीले आफ्नो शतप्रतिशत खेल प्रदर्शन गर्न नसकेको बताए ।
पुस २३ गतेसम्म सञ्चालना हुने प्रतियोगितामा दुई विदेशीसहित दश टोलीको सहभागिता रहेको छ । प्रतियोगिताको उद्घाटन संस्कृति, पर्यटन तथा नागरिक उड्डयन राज्यमन्त्री इन्द्रबहादुर बानियाँले गरेका थिए । प्रतियोगिताको विजेता र उपविजेताले नगद पाँच र तीनलाख रुपियाँ प्राप्त गर्ने आयोजक प्रतिष्ठान अध्यक्ष भेष खड्कीले जानकारी दिए ।
प्रतियोगिताको सर्वोत्कृष्ट खेलाडीलाई नगद ५० हजार रुपियाँ र विधागत उत्कृष्ट प्रशिक्षक तथा खेलाडीलाई नगद तीन÷तीन हजार रुपियाँ प्रदान गरिने बताइएको छ ।
हेटौंडा–१० स्थित फरेष्ट्री खेल मैदानमा जारी प्रतियोगिताको उद्घाटन समारोहमा प्रमुख जिल्ला अधिकारी नारायणप्रसाद शर्मा दुवाडी, नेपाल खेलकुद पत्रकार मञ्च केन्द्रीय महासचिव तथा पत्रकार महासंघ केन्द्रीय सदस्य प्रकाश तिमल्सिना, नेकपा माओवादी केन्द्रका प्रेमबहादुर पुलामी ‘छिन्तु’ तथा आयोजक प्रतिष्ठानका उपाध्यक्ष विशाल घोषलगायतले प्रतियोगिताको सफलताको कामना गरेका थिए ।
सातौं राष्ट्रिय खेलकुदको समापनका कारण प्रतियोतिगाअन्तर्गत् शुक्रबारको खेल सारिएको आयोजक प्रतिष्ठान महासचिव सविन न्यौपानेले जानकारी दिए । न्यौपानेका अनुसार शनिबार सहारा क्लब पोखरा र नेपाल पुलिस क्लबबीच प्रतिस्पर्धा हुनेछ ।
April 24, 2024
सुर्खेत (हाम्रो खेलकुद)– सुदूरपश्चिम प्रदेशले महिला लिग छनोटमा दोस्रो जित निकालेको छ । अस्मिता चौधरीको २ गोलको मद्दतमा सुदूरपश्चिमले बुधबार मधेश प्रदेशलाई ३–० ले हराएको छ । कर्णाली प्रदेश रंगशालामा भएको खेलमा पाँचौं मिनेटमा यसोदाकुमारी चिरलको गोलबाट सुदूरपश्चिमले अग्रता लिएको थियो । अस्मिताले ५१ औं र ६१ औं मिनेटमा गोल गर्दै टोलीलाई जित दिलाइन् । […]
April 24, 2024
काठमाडौं (हाम्रो खेलकुद)– सहिद स्मारक सी डिभिजन लिगमा पुछारमा रहेको गोलबजार स्पोर्ट्स क्लबसँग रानीवन स्पोर्ट्स क्लब १–१ को बराबरीमा रोकिएको छ । सातदोबाटोस्थित एन्फा कम्प्लेक्समा आज भएको खेलमा योञ्जन हमालको गोलमा खेलको १६औं मिनेटमा गोलबजारले अग्रता बनायो। तर यो अग्रतालाई जोगाउन भने सकेन। ४४औं मिनेटमा हिमाञ्चल सिंहले बराबरी गोल फर्काए । दोस्रो हाफमा दुवै टिमबाट […]
April 24, 2024
सुर्खेत (हाम्रो खेलकुद) – समिक्षा मगरको गोलमा कोशी प्रदेशले महिला लिग छनोट गण्डकी प्रदेशलाई ३–० ले सहजै हराएको छ । लगातार तेस्रो जितपछि ९ कोशी शीर्षस्थानमा छ । सर्खेतस्थित कर्णाली प्रदेश रंगशालामा बुधबार भएको खेलमा कोशीले एकपक्षीय दबाब बनायो। छैटौं मिनेटमा समिक्षाले गोल गर्दै टोलीलाई पहिलो हाफमा १–० को अग्रता दिलाइन् । गण्डकी दोस्रो हाफमा […]