एजेन्सी (स्पेन) – पोर्चुगलका कप्तान एवं रियल म्याड्रिडका स्टार फरवार्ड क्रिस्टियानो रोनाल्डोलाइ अनुबन्धन गर्न एक चाइनिज क्लबले रियल म्याड्रिडलाइ तिन सय मिलियन युरोको प्रस्ताव राखेको खुलासा भएको छ।
रोनाल्डोका एजेन्ट जोर्गे मेंडेसका अनुसार उक्त क्लबले रोनाल्डोलाइ अनुबन्धन गर्न रियल म्याड्रिडलाइ तिन सय मिलियन दिने र रोनाल्डोको मासिक तलब पनि ८ मिलियन युरो दिने प्रस्ताब राखेको हो। तर, रियल म्याड्रिड र रोनाल्डो दुवैले यो प्रस्ताव नस्वीकार्ने मनस्थिति रहेको पनि एजेन्टले जनाए।
‘रोनाल्डोलाइ मैले यो बारे भनिसकेको छु र उनले यस अफरलाइ नकारिसकेका छन्। यो क्लब उनको सपना हो र जतिनै पैसा आएपनि उनले सो प्रस्ताव स्वीकार गर्ने छैनन्।”, एजेण्ट मेंडेसले भने।
चाइनिज क्लबहरुले हाल निकै पैसा खर्च गरेर ठुला खेलाडीहरुलाई क्लबमा भित्र्याउने गरेका छन्। केहि दिनअघि मात्र ओस्कारलाइ ६०मिलियन पाउण्ड तिरेर चेल्सीबाट चाइना लागेका थिए भने कार्लोस टेभेज साप्ताहिक ६ लाख पाउण्डमा सांघाई सेन्हुआ पुगेका छन्।
