दिपक बोहोरा ,पाँचथर
पुर्वाञ्चलमा जारी सातै राष्ट्रिय खेलकुलको समापनको दिन पाँचथरको सदरमुकाम फिदिममा आजदेखी पुर्वि पहाडकै प्रतिष्ठत फुटबल प्रतियोगिता फाल्गुनन्द गोल्डकपको आठौँ संस्करण सुरु हुने छ ।
फिदिम उच्च मा.बि को खेलमैदानमा सञ्चालन हुने प्रतियोगिता नेकपा माओबादि केन्द्रका नेता तथा सांसद एवम स्थानिय बिकास राज्य मन्त्री माननिय श्रीप्रसाद जबेगुले उद्घाटन गर्ने कार्यक्रम रहेको आयोजक फिदिम स्र्पोटिङ क्लबका अध्यक्ष किरण श्रेष्ठले जानकारी दिनु भयो ।आठौँ फाल्गुनन्द गोल्डकपको लागी सदरमुकाम फिदिमलाइ सिंगारीएको छ ।
दर्शकको सुबिधालाई ध्यानमा राखि बाँसको अस्थाई प्यारापिट निर्माण गरिएको छ । फिदिम उच्च मा.बि को खेलमैदान बिहानको ११ बजे उद्घाटन कार्यक्रम रहेको आयोजकले बताए । भोली हुने उद्घाटन खेल आयोजक फिदिम स्पोर्टिङ क्लब पाँचथर र हिमकस्तुरी क्लब सिराहा ११ बिच हुने छ । पुस १५ गतेबाट सुरु भएको प्रतियोगिता पुस २४ गते सम्म सञ्चालन हुने छ । सो प्रतियोगितामा प्रथम हुने टिमले २ लाख ५० हजार र द्धितिय हुने टिमले १ लाख ५० हजार प्राप्त गर्ने छन ।
