एजेन्सी – जर्मन क्लब बायर्न म्युनिखले इंग्लिस क्लब म्यानचेस्टर सिटीका पोर्चुगिज डिफेन्डर जोआओ क्यान्सेलोलाई लोनमा अनुबन्ध गरेको छ ।

बायर्नले जनवरी ट्रान्सफरको अन्तिम दिन २८ वर्षीय क्यान्सेलोसँगको सम्झौता पूरा गरेको हो । उनलाई ७० मिलियन युरोमा आगामी समरमा स्थायी खेलाडी हुने विकल्पसहित यो सिजनको अन्त्यसम्मका लागि अनुुबन्ध गरिएको बायर्नले जनाएको छ । यो विषयमा दुवै क्लब बायर्न र सिटीबीच सहमति भएको छ ।

क्यान्सेलोले फेब्रुअरी २०२२ मा प्रिमियर लिग च्याम्पियन च्याम्पियन सिटीसँग थप पाँच वर्षको सम्झौता नविकरण गरेका थिए । इतिहाद स्टेडियममा उनको सम्झौता सन् २०२७ को सिजनको अन्त्यसम्म छ ।

‘बायर्न विश्वको एक उत्कृष्ट क्लब मध्ये एक हो । यो टोली कस्तो हो भन्ने मलाई थाहा छ ।’ बायर्नमा आबद्ध भएपछि क्यान्सेलोले भने, ‘टोलीमा रहेका यि असाधारण खेलाडीहरूसँग खेल्न पाउनु मेरो लागि ठूलो प्रेरणा हो । म पनि सफलताको भोकबाट प्रेरित छु । म बायर्नका लागि आफ्नो उत्कृष्ट प्रदर्शन गर्नेछु ।’

पोर्चुगिज क्यान्सेलो सन् २०१९ मा युभेन्ट्सबाट सिटीमा आबद्ध भएका थिए । उनले ९८ प्रिमियर लिग खेलेको छ । सिटीका प्रशिक्षक पेप गुआर्डीओलमोको नेतृत्वमा, उनले दुईवटा लिग उपाधि र इएफएल कप जितेका छन् ।

आफ्नो मुख्य भुमिका डिफेन्डर भएपनि उनी प्लेमेकरको भुमिका निधाउन पनि माहिर छन् । उनको त्यही प्रदर्शनले उनी पछिल्लो दुई सिजन पिएफए प्रिमियर लिग टोलीमा समावेश हुन सफल भएका थिए ।

यद्यपि, उनले फिफा विश्वकप कतार २०२२ पछि केवल तीन खेलमात्रै खेलेका छन् । प्रशिक्षक गुआर्डीओलाले उनको स्थानमा रिको लुईस र नाथन एकेलाई मौका दिइरहेको छ ।

बायर्न जर्मन बुन्डेसलिगाको युनियन बर्लिनभन्दा १ अंकले अघि रहँदै शीर्षस्थानमा छ ।