1 year ago
March 1, 2023
हिमाल खरेल, भद्रपुर
मछिन्द्र एफसीका कप्तान सुजल श्रेष्ठले प्रथम मुस्ताङ भद्रपुर झापा गोल्डकप फुटबल प्रतियोगितामा सर्वोत्कृष्ट खेलाडी घोषित भएका छन् । सुजलको टोली मछिन्द्र मेची रंगशालामा मंगलबार भएको फाइनलमा त्रिभुवन आर्मी क्लबसँग पराजित भएको थियो ।
सुजल सर्वोत्कृष्टका साथै चर्च ब्वाइजका आशिष चौधरीका साथ प्रतियोगिताको उच्च गोलकर्ता समेत रहे । आर्मीलाई उपाधि दिलाउने क्रममा फाइनलमा उच्च प्रदर्शन गरेका समित श्रेष्ठ उत्कृष्ट गोलकिपर, मछिन्द्रका सौरभ राई उदीयमान खेलाडी र आर्मीका राजु तामाङ उत्कृष्ट प्रशिक्षक चुनिए । सुजलले १ लाख रुपैयाँ तथा विधागत उत्कृष्टले २५ हजार रुपैयाँ प्राप्त गरेका थिए ।
आर्मीलाई उपाधि
मछिन्द्रलाई टाइब्रेकरमा ४–३ ले हराउँदै आर्मीले उपाधि जितेको थियो । आर्मीले उपाधिसहित १३ लाख र मछिन्द्रले ७ लाख रुपैयाँ प्राप्त गर्यो । खेलको निर्धारित समय र थप समयमा गोलरहित बराबरीमा टुंगिएको थियो ।
टाइब्रेकरमा मछिन्द्रका रेजिन धिमाल र देवेन्द्र तामाङको प्रहार आर्मीका गोलकिपर समितले रोकेका थिए । आर्मीका सेसेहाङ आङदम्बेको प्रहार मछिन्द्रका गोलकिपर विशाल श्रेष्ठले विफल पारेका थिए । आर्मीका दिपेन्द्र कार्की, सन्तोष केसी, रिपु भुलाल र सुशान्त चौधरीले गोल गरेका थिए ।
मछिन्द्रका दिवाकार चौधरी, सुजल श्रेष्ठ र दिपेश घलेले मात्र गोल गर्न सके । निर्धारित ९० मिनेटको समय गोलरहित बराबरीमा टुंगिएपछि खेलमा थप १४ मिनेट अतिरिक्त समय खेल खेलाइयो । अतिरिक्त समयमा पनि गोल हुन नसकेपछि खेल टाइब्रेकरमा धकेलिएको थियो । टाइब्रेकरमा आर्मी भाग्यमानी सवित भयो ।
निकै प्रतिस्पर्धात्मक खेलमा मछिन्द्रले पाएका अवसर सदुपयोग गर्न सकेन । आर्मीको तुलनामा मछिन्द्रले राम्रो खेले पनि फिनिसिङ लाइन कमजोर हुँदा उपविजेतामा चित्त बुझाउन प¥यो । खेलको ७३ औँ मिनेटमा आर्मीका सुदिल राई र मछिन्द्रका ओमोलाजा करिमले आपसमा झगडा गरेपछि रातो कार्ड खाँदै मैदान बाहिरिएको थिए । उनीहरु मैदान बाहिरिएपछि दुवै टोली १० खेलाडीमा सीमित भएको थियो ।
भद्रपुर झापा गोल्ड कपले पूर्व फुटबल खेलाडी गम्भीर राईलाई लाइफ टाइम अचिभमेन्ट अवार्डले सम्मान गर्ने क्रममा टिभिएस मोटरसाइकल प्रदान गर्यो । विजेता र उपविजेता टोलीका खेलाडी, सर्वोत्कृष्ट खेलाडी तथा विधागत उत्कृष्टलाई नेपाली कांग्रेस महामन्त्री एवंम सांसद विश्वप्रकाश शर्मालगायतले ले पुरस्कार हस्तान्तरण गरेका थिए । फागुन ७ गतेदेखि सुरु भएको प्रतियोगितामा १० टोलीको सहभागिता थियो ।
May 14, 2024
एजेन्सी – इंग्लिस प्रिमियर लिगको २०२३/२४ सिजनको उपाधिका लागि महत्वपूर्ण खेलमा आज म्यानचेस्टर सिटीले टोटेनहम हटस्परको घरेलु मैदानको यात्रा गर्दैछ । खेल आज राति १२:४५ बजे टोटेनहम हटस्पर स्टेडियममा सुरु हुनेछ । लगातार चार पटक उपाधि जित्ने लक्ष्यमा रहेको सिटीलाई आजको खेल जित्नै पर्ने दबाब छ । दोस्रो स्थानमा रहेको सिटी आर्सनल भन्दा १ अंकले […]
May 14, 2024
काठमाडौं (हाम्रो खेलकुद) – आरसी ३२ फुटबल एकेडेमी जारी सहिद स्मारक सि डिभिजन लिगको शीर्ष स्थानमा उक्लिएको छ । अयोग्य खेलाडी खेलाएको भन्दै एन्फाले अंक घटाएपनी मंगलबार भएको खेलमा झम्सिखेल युथ क्लब माथि २-० को जित निकाल्दै आरसी ३२ शीर्ष स्थानमा पुगेको हो । आरसी ३२ का लागि खेलको पाँचौं मिनेटमा सुजन बलाम्पकी मगरले सुरुवाती […]
May 14, 2024
काठमाडौं (हाम्रो खेलकुद) – विश्व कप छनोटको दोस्रो चरणअन्तर्गत युएइविरुद्धको खेलका लागि नेपाली राष्ट्रिय फुटबल टोलीको २८ सदस्यीय प्रारम्भिक टोलीको घोषणा भएको छ । अखिल नेपाल फुटबल संघ (एन्फा) ले मंगलबार आफ्नो सामाजिक सन्जालमार्फत टोलीका मुख्य प्रशिक्षक भिन्सेन्जो अल्बर्टो एनेसेले मंगलबार प्रारम्भिक टोलीको टोलीको गरेको जनाएको छ । नेपाल र युएइबीच जेठ २४ गते दशरथ […]