7 years ago
December 31, 2016
महिला साफ च्याम्पियनसिप फुटबल दिपेश तिमल्सिना सिलगुढी (भारत)– नेपाली महिला फुटबल टोलीका प्रशिक्षक कुमार थापाले भारतसँगको सेमिफाइनल टोलीका लागि फाइनल सरह हुने बताएका छन् । अघिल्ला तीनैं संस्करणमा फाइनलमा मात्र भेटेको भारतसँग नेपालले यसपटक एक कदम अगाडि नै सामना गर्नुपर्ने भएको छ । ‘हाम्रो लागि भारतसँगको खेल अत्यन्तै महत्वपूर्ण छ’ बंगलादेश र भारतको खेल हेरेपछि थापाले […]
महिला साफ च्याम्पियनसिप फुटबल
दिपेश तिमल्सिना
सिलगुढी (भारत)– नेपाली महिला फुटबल टोलीका प्रशिक्षक कुमार थापाले भारतसँगको सेमिफाइनल टोलीका लागि फाइनल सरह हुने बताएका छन् । अघिल्ला तीनैं संस्करणमा फाइनलमा मात्र भेटेको भारतसँग नेपालले यसपटक एक कदम अगाडि नै सामना गर्नुपर्ने भएको छ ।
‘हाम्रो लागि भारतसँगको खेल अत्यन्तै महत्वपूर्ण छ’ बंगलादेश र भारतको खेल हेरेपछि थापाले भने ‘त्यो सेमिफाइनल भएपनि हाम्रो लागि फाइनल सरह हुनेछ ।’ उनले भारतविरुद्ध सफल हुने विश्वास पनि व्यक्त गरेका छन् । उनले भने, ‘हाम्रा सबै खेलाडी फिट छन् र हामी सफल नतिजाका लागि प्रयास गर्नेछौं ।’ सावित्रा भण्डारी कत्तिको महत्वपूर्ण खेलाडी हुन् भन्ने प्रश्नमा थापाको जवाफमा थियो, ‘हाम्रा लागि टोलीका सबै ११ खेलाडी महत्वपूर्ण छन् र सबै फिट छन् ।’
बंगलादेशसँग भारतले शनिबार राती गोलरहित बराबरी खेलेपछि नेपालसँग सेमिफाइनल भेट पक्का भएको थियो । भारत समूह बीको उपविजेताका रुपमा अघि बढेको हो । भारत चौथो संस्करणमा आइपुग्दा पहिलो पटक बराबरीमा रोकिएका छ । भारतले शनिबारअघि महिला साफ च्याम्पियनसिपमा कुनै खेल हार्नुपरेको थिएन । अब नेपाल र भारतबीच सोमबार फाइनल प्रवेशका लागि प्रतिस्पर्धा हुनेछ । अर्को सेमिफाइनलमा बंगलादेश र माल्दिभ्सबीच प्रतिस्पर्धा हुनेछ ।
बंगलादेशलाई सहज लिएको कारण भारतले बराबरीमा रोकिनु परेको थापाले ठम्माई थियो । ‘मुख्य खेलाडी कमलादेवीलाई नखेलाएर भारतीय प्रशिक्षक साजिद दारले बंगलादेशलाई अलि हल्का लिए’ नेपालका पूर्व राष्ट्रिय खेलाडी थापाले भने, ‘तर, उनको योजनाले काम गरेन । उनले सोचे जस्तो खेल सहज भएन ।’
भारतको गुवाहाटीमा फागुनमा भएको १२ औं दक्षिण एसियाली खेलकुद (साग) को फाइनलमा नेपाल र भारतका बीच प्रतिस्पर्धा भएको थियो । त्यसमा भारत विजयी भएको थियो । त्यसयता दुई टोलीबीच सोमबार भेट हुनेछ । भारतीय टोलीका प्रशिक्षक दार नेपाललाई बलियो प्रतिद्वन्द्वि मान्छन् । ‘नेपाल निकै बलियो टोली हो । हामी सागमा जस्तै प्रदर्शन गर्ने प्रयास गर्नेछौं’ उनले भने,‘सावित्रा निकै खतरनाक छिन्, उनलाई रोक्ने योजना बनाउनेछौं ।’
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]