चेल्सी (एजेन्सी)– चेल्सीले प्रिमियर लिगमा लगातार १३ औं खेल जित्ने क्रममा शनिबार स्टोक सिटीलई ४–२ ले हराउँदै शीर्षस्थालाई थप बलियो बनाएको छ । एकै सिजनमा लगातार १३ खेल जित्ने आर्सनलको कीर्तिमानलाई शनिबारको सफलतापछि चेल्सीले बराबरी गरेको छ ।

२ पटक सम्म खेललाई बराबरी गरेपनि अन्तिम २५ मिनेट चेल्सीले थप दुई गोल गर्दैै विजय यात्रालाई कायम राखेको थियो । ग्यारी काहिलले ३४ औं मिनेटमा चेल्सीका लागि पहिलो गोल गरे । दोस्रो हाफको पहिलो हाफमै ब्रुनो मार्टिन्स इन्डीले स्टोकका लागि बराबरी गोल फर्काए ।

विलियन्सले पनि ५७ औं मिनेटमा गोल गर्दैै चेल्सीलाई अगाडि बढाएपनि ६४ औं मिनेटमा स्टोकका लागि पिटर क्रचले बराबरी गोल फर्र्काए । विलियम्सले ६५ औं र डिएगो कोस्टाले ८५ औं मिनेटमा गोल गरेपछि चेल्सीको जित निश्चित भएको थियो । १९ खेलमा चेल्सीको ४९ अंक पुगेको छ ।

४० अंकसहित दोस्रो स्थानमा रहेको लिभरपुल र ३९ अंकका साथ तेस्रो स्थानमा रहेको म्यानचेस्टर सिटीबीच शनिबार नै प्रतिस्पर्धा हुँदै छ । प्रिमियर लिगमा शनिबारका अन्य खेलमा म्यानचेस्टर युनाइटेडले मिडल्सब्रोलाई २–१, बर्नलीले सन्डरल्यान्डलाई ४–१ ले, साविक विजेता लेस्टरले वेस्ट ह्याम युनाइटेडलाई १ –० ले , वेस्ट ब्रोमविचले साउथह्याम्टनलाई २–१ ले र बोर्नमाउथले स्वान्सी सिटीलाई ३–० ले हराएको छ । हल सिटी र एभर्टनले २–२ को बराबरी खेलेका थिए ।