युनाइटेड (एजेन्सी)– पाउल पोग्बाले खेल सकिन ४ मिनेट बाँकी रहँदा हेड मार्फत गोल गरेपछि म्यानचेस्टर युनाइटेडले प्रिमियर लिगमा शनिबार मिडल्सब्रोलाई २–१ ले हराएको छ । प्रिमियर लिगमा युनाइटेडको यो लगातार पाँचौं जित हो ।

ग्रान्ट लिडविटरले ६६ औं मिनेटमा गोल गर्दै मिडल्सब्रोलाई अग्रता दिलाएका थिए । मिडल्सब्रोका भिक्टोर भाल्डेजले याल्टान इब्राहिमोभिचको प्रहारलाई रोकेपछि एन्थोनी मार्सियलले ८४ औं मिनेटमा बराबरी गोल गरेका थिए । त्यसको तीन मिनेट नवित्दै पोग्बाले हेडमार्फत गोल गरेपछि युनाइटेडको लगातार पाँचौं जित पक्का भएको थियो ।

शनिबारकै अर्को खेलमा विलियम्सले २ गोल गरेको खेलमा चेल्सीले स्टोक सिटीलाई ४–२ ले हराएको छ । १९ खेलमा चेल्सीको ४९ अंक र छैटौं स्थानको युनाइटेडको ३६ अंक छ । प्रिमियर लिगमा शनिबारका अन्य खेलमा म्यानचेस्टर युनाइटेडले मिडल्सब्रोलाई २–१, बर्नलीले सन्डरल्यान्डलाई ४–१ ले, साविक विजेता लेस्टरले वेस्ट ह्याम युनाइटेडलाई १ –० ले , वेस्ट ब्रोमविचले साउथह्याम्टनलाई २–१ ले र बोर्नमाउथले स्वान्सी सिटीलाई ३–० ले हराएको छ । हल सिटी र एभर्टनले २–२ को बराबरी खेलेका थिए ।