एजेन्सी – इंग्लिस प्रिमियर लिगमा लन्डन क्लब चेल्सीले लेस्टर सिटीलाई पराजित गरेको छ । चेल्सीले १० खेलाडीमा समेटिएको लेस्टर सिटीलाई उसकै मैदानमा ३–१ ले पराजित गरेको हो ।

चेल्सीको जितमा बेन चिलवेल, काई हाभर्टज र माटियो कोभासिसले गोल गरे । लेस्टरका पास्टन डाकाले एक गोल फर्काए ।किङ पावर स्टेडियममा शनिबार राति भएको खेलको ११औं मिनेटमा बेन चिलवेलको गोलबाट चेल्सीले १–० को अग्रता लिन सफल भयो । उनले कालिडोउ कोउलीबलीको पासमा गोल गर्न सफल भएका थिए ।

३४औं मिनेटमा जोआओ फेलिक्सले गोल गरेपनि भिएआरबाट मान्यता नपाउँदा चेल्सी अग्रता दोब्बर पार्नबाट चुक्यो । ३९औं मिनेटमा पास्टन डाकाले रिकार्डाे पेरेइराको पासमा गोल गर्दै खेललाई १–१ गोलको बराबरीमा ल्याए ।

पहिलो हाफको इन्ज्युरी समयको थप गरिएको छैटौं मिनेटमा काई हाभर्टजले एन्जो फर्नान्डेजको पासमा गोल गरेपछि चेल्सीले पहिलो हाफमा १–० को अग्रता लिन सफल भयो ।

७८औं मिनेटमा माटियो कोभासिसले मिखाइलो मुड्रिकको पासमा गोल गरेपछि चेल्सी जिततर्फ अग्रस बन्यो । ८७औं मिनेटमा लेस्टर १० खेलाडीमा समेटिन पुग्यो । वोउट फाइस दोहोरो पहेलो कार्ड खाँदै मैदानबाट बाहिरिए । त्यसपछि तप गोल निस्कन नसक्दा चेल्सी विजयी हुन सफल भयो ।

प्रिमियर लिगमा चेल्सीकाे याे लगातार दाेस्राे जित हाे । यसअघि चेल्सीले लिड्सलाई १–० ले पराजित गरेकाे थियाे । यस जितसँगै चेल्सी २६ खेलबाट ३७ अंक जोडेर १०औं स्थानमा छ । पराजित लेस्टर २४ अंक जोडेर १६औं स्थानमा छ ।

अन्य नतिजा
बर्नमाउथविरुद्ध लिभरपुल (१–०)
लिड्सविरुद्ध ब्राइटन (२–२)
टोटेनहमविरुद्ध नटिङहम फरेस्ट (३–१)
एभर्टनविरुद्ध ब्रेन्टफर्ड (१–०)
क्रिस्टल प्यालेसविरुद्ध म्यानचेस्टर सिटी (०–१)