आयोजक काँकरभिट्टा गोल्ड कपको सेमिफाइनलमा

काँकरभिट्टा (हाम्रो खेलकुद)– आयोजक काँकरभिट्टा फुटबल ट्रेनिङ सेन्टर मेची नेत्रालय दोस्रो काँकरभिट्टा गोल्ड कप फुटबल प्रतियोगिताको सेमिफाइनलमा पुगेको छ ।

भारतको ब्लु आर्मी सिलोङलाई टाइब्रेकरमा ३–२ ले हराउँदै काँकरभिट्टा फुटबल ट्रेनिङ सेन्टर अन्तिम चारमा पुगेको हो । निर्धारित समय यी दुई टोलीबीचको खेल गोलरहित बराबरीमा टुंगिएको थियो ।

टाइब्रेकरमा आयोजकका सेमसुङ, सञ्जय राजभाग र जीवन गुरुङ(एञ्जल) ले गोल गरे । ब्लु आर्मी सिलोङका मावोन पुया र लाल रामदैया मोया मात्र गोल गर्न सफल भए । आयोजक टोलीका गोलकिपर एलन न्यौपाने म्यान अफ दी म्याच घोषित भएका थिए ।