नेपाल १ -३ भारत

नेपाली समय: २:१५

सिलगुढी, भारत

दिपेश तिमल्सिना

सिलगुढी – खेलको प्रत्यक्ष अपडेट यहाँ पाउन सक्नुहुनेछ । कृपया अपडेडका लागि पेज रिफ्रेस गर्दै गर्नुहोला । 

सुरुआती ११

नेपाल : एन्जिला तुम्वापो सुब्बा (गोलकिपर), गिता राना, पुनम जर्घा मगर, हिरा कुमारी भुजेल, मनमाया लिम्बु, अनिता बस्नेत, रेणुका नगरकोटी (कप्तान), दिपा राई, मन्जली कुमारी योन्जन, सरु लिम्बु, साबित्रा भण्डारी

भारत : अदिती चौहान (गोलकिपर), उमापती देवी, देवी लोइटोङबाम, मनीषा पाना, प्रेमी देवी, कमलादेवी, बाला देवी (कप्तान),सष्मिता मलिक , डांङमी ग्रेस, इन्दुमती, डालिमा

साफ च्याम्पियनसिपमा समेमिफाइनलको हारसँगै नेपालको यात्रा टुंगिएको छ । प्रत्यक्ष अपडेटमा साथ दिनुभएकोमा यहाँहरुलाई हाम्रो खेलकुद डटकमका तर्फबाट अभार व्यक्र गर्न चाहन्छौं ।

९०’– इन्जुरी समय ३ मिनेट थपिएको छ ।

८४’– भारतको तेस्रो गोल । सस्मिता मलिकलले गोल गरिन् । भारत ३–१ ले अगाडि ।

८०’– अब १० मिनेटमा नेपालले गोल फर्काउला ?

७७’– खेलाडी परिवर्तन । मन्जिली वाइवाको ठाँउमा दीपा अधिकारी मैदान प्रवेश गरेकी छिन् ।

७६’– गोल………………………. नेपालले गोल फर्काएको । सावित्रा भण्डारीले पेनाल्टीमा गोल गरेकी छिन् । खेलमा भारत २–१ ले अगाडि ।
७४’– सावित्रा भण्डारीको प्रहार, पोल नजिकबाट बाहिरियो । भारत २–० ले अगाडि ।

७३’– खेलाडी परिवर्तन । मनमाया लिम्बुको ठाँएमा कृष्णा खत्री

६७’– सावित्रा भण्डारीको फ्रिकिक किपरले रोकिन् ।

६५’– गिता रानाले झन्डै ३० यार्डबाट हानेको फ्रिकिक विपक्षी रक्षकले क्लियर गरे

६०’– ३० मिनेट खेल बाँकी रहँदा साफ च्याम्पियनसिपको सेमिफाइनलमा नेपालविरुद्ध भारतको २–० को अग्रता

५८’– भारतले अर्को गोल गरेको छ । नेपाली कमजोर रक्षापक्तिको फाइदा उठाउँदै इन्दुमतीले गोल गरिन् ।

५५’– साबित्रा भण्डारीलाई पहेलो कार्ड

५४’– सपना लामाको कर्नरलाई विपक्षी रक्षकले क्लियर गरेकी छिन् ।

नेपाल र भारतबीचको दोस्रो हाफ सुरु

…………………………………………………..

महिला साफ च्याम्पियनसिपमा पहिलो हाफमा नेपालविरुद्ध भारतको १–० को अग्रता

४४’– भारतलाई अग्रता । कमलादेवीले गोल गरेकी छिन् ।

३९’– नेपालको अर्को संकट टर्यो । सस्मिताको प्रहार मनमायाल लिम्बुले गोललाइनबाट क्लियर गर्दै भारतलाई अग्रता लिनबाट रोकिन् ।

३५’– भारतीय डांङमी ग्रेसको प्रहार नेपाली गोलकिपर एन्जिलाको बचाउ

३४’– मनयमाया लिम्बुको फ्रिकिकलाई भारतीय गोलकिपर अन्जलीले रोकिन् ।

२५’– मन्जलीको पासमा सावित्राको फितलो प्रहार । अग्रता लिने मौका गुम्यो । खेल गोलरहित बराबरीमा जारी

समूह चरणमा ११ गोल गरेकी सावित्रा भण्डारीले भारतविरुद्धको सेमिफाइनलमा गोल गर्लिन् ?

१७’– भारतको लगातार दुई प्रहार । नेपाल जोगियो । सस्मिताको प्रहार बारमा लागेर फर्कियो त्यहि रिबाउन्डमा डांङमी ग्रेसको प्रहार पुनः बारमा लागेर फर्कियो ।

१६’– साबित्रा भण्डारीको प्रहार भारतीय किपरले रोकिन् ।

साफ च्याम्पियनसिपको समूह चरणमा १८ गोल गरेको नेपालले भारतविरुद्ध गोल गर्न सक्ला ?

७’– मिनेट भारतीय सष्सिता मलिकको प्रहार नेपाली गोलकिपर एन्जिलाले रोकिन्

१’–नेपाल र भारतबीच साफ च्याम्पिनसिपको पहिलो सेमिफाइनल सुरु भएको छ ।

राष्ट्रिय गान गाउँदै नेपाली खेलाडी । नेपाल र भारतबीच महिला साफ च्याम्पियनसिपको पहिलो सेमिफाइनल केही समयमा सुरु हुँदैछ ।

नेपाल र भारतबीच महिला साफ च्याम्पियनसिपको सेमिफाइनल अबको १० मिनेटमा सुरु हुनेछ ।

नेपाल र भारतको महिला टोलीबीच अहिले सम्म पाँच पटक फाइनलमा भेट भएको छ । साफ च्याम्पिनयसिपमा तीन पटक र सागमा दुईपटक । पाँचवटै फाइनलमा भारत विजयी भएको थियो ।

श्रीलंकासँग खेल्दाको भन्दा भारतविरुद्धको सेमिफाइनलमा नेपाली टोलीमा दुई खेलाडी परिवर्तन । गोलकिपर अन्जन नारामगरको ठाँउमा एन्जिला तुम्वाफो सुब्बा र शर्मिला थापाको ठाँउमा सरु लिम्बु

भारत र नेपालबीच केही बेरमा सुरु हुने साफ च्याम्पियनसिपका लागि दुवै टोलीले वार्म अप सुरु गरेका छन् ।

भारतीय गोलकिपर अदिती चौहान इङ्लिस प्रिमियर लिग क्लब वेस्ट ह्याम युनाइटेडबाट व्यवसायिक फुटबल खेल्छिन् । यस बर्ष उनी लिगमा एसियाली खेलाडीमध्ये उत्कृष्ट खेलाडी समेत घोषित भएकी थिइन् ।

नेपाली टोलीका प्रशिक्षक कुमार थापा मैदान निरिक्षण गर्दैछन् । भारत,सिलगुढीको कञ्चनजंघा रंगशालामा आज नेपाल र भारतबीच महिला साफ च्याम्पियनसिपको पहिलो सेमिफाइनल खेल सुरु हुँदैछ । के होला आज नतिजा ?

नेपाली टोली सिलगुढीस्थित कञ्चनजंघा रंगशाला पुगेको छ । नेपाल र भारतबीच दिउँसो २:१५ मा साफ च्याम्पिनसिपको पहिलो सेमिफाइनल खेल हुनेछ ।