default_image

1 year ago

March 30, 2023

थ्री नेसन्सको फाइनल : ‘अनौपचारिक मैत्रीपूर्ण’ तर उपाधि भिडन्त

144 views

0 Bookmark

सुबास हुमागाईं, काठमाडौं

दशरथ रंगशालामा शुक्रबार साँझ ५:३० बजे नेपाल र लाओसको राष्ट्रिय टोली प्रधानमन्त्री थ्री नेसन्स कपको फाइनलमा प्रतिस्पर्धा गर्दैछन् । प्रतियोगिताको समूह चरणको शीर्ष दुई टोलीबीच उपाधिका लागि भिडन्त हुँदा यो खेलको स्तर भने ‘अनौपचारिक मैत्रीपूर्ण’ मात्र हुनेछ ।

विश्व फुटबलको सर्वोच्च निकाय फिफाले सिमित अवधिमा तोकिएको खेलले मात्र आधिकारिक अन्तर्राष्ट्रिय खेलको मान्यता पाउँछ । फिफाले हरेक वर्ष ६ देखि ७ पटक ‘फिफा डे’ अर्थात् अन्तर्राष्ट्रिय मैत्रीपूर्ण खेल तथा प्रतियोगिताका लागि मिति छुट्याउने गरेको छ । विश्वभर नै लागु हुने नियम अनुसार यसपटक २०-२८ मार्चलाई फिफा डे तोकिएको थियो । यसबीचमा हरेक राष्ट्रले अधिकतम २ खेल खेल्न पाउने प्रावधान रहेको थियो ।

नेपालले यसपटक ३ देशको सिनियर टोलीलाई नै थ्री नेसन्स कपमा सहभागी गराएको थियो । त्यसैले समूह चरणका तीनै खेलले अधिकारिक अन्तर्राष्ट्रिय खेलको मान्यता पाए । तर फाइनल खेलका लागि भने फिफा डे को मिति र अधिकतम २ खेल पनि सकिएका कारण फाइनल खेल ‘अनौपचारिक मैत्रीपूर्ण’ मात्र हुने भएको हो । नेपाल र लाओसको खेल प्रतियोगिताको उपाधिका लागि भएपनि यसले खेलाडीको खेल संख्या र गोल मापन हुँदैन भने दुवै देशको नतिजा र फिफा वरीयतामा कुनै असर गर्ने छैन ।

यसैपनि थ्री नेसन्स कप लगायतका प्रतियोगिता आधिकारिक मैत्रीपूर्ण खेल मात्र हुन् । यी प्रतियोगितालाई अधिकारिक उपाधिको रुपमा गणना गर्न मिल्दैन । दुई वर्षअघि नेपालले नै आयोजना गरेको थ्री नेसन्स कपपछि पनि यसको चर्चा भएको थियो । त्यसबारे थप जानकारीका लागि “कुन अन्तर्राष्ट्रिय मैत्रीपूर्ण, कुन अधिकारिक प्रतियोगिता ?” मा चर्चा गरिएको छ ।

दुई वर्षअघि पनि नेपालले थ्री नेसन्स कपको आयोजना गरेको थियो । तर उक्त प्रतियोगितामा किर्गिस्तानको मुख्य टोली नभएकाले नेपाल र बंगलादेशको खेल मात्र अन्तर्राष्ट्रिय मान्यता पाएको थियो । फाइनल खेलले पनि अन्तर्राष्ट्रिय मैत्रीपूर्ण खेलकै मान्यता पाएको थियो किनभने त्यसबेला फिफा डे मा किर्गिस्तानको यू-२३ टोलीसँगको खेल पनि अनौपचारिक मैत्रीपूर्ण नै थियो ।

नेपालले शुक्रबार साँझ लाओससँग भिड्द खेल अनौपचारिक भएपनि उपाधिका लागि प्रतिस्पर्धा हुनेछ । फिफाले यस खेललाई अधिकारिक मान्यता नदिएपनि दुवै टोलीलाई मनोबल उच्च पार्न यो उपाधि महत्त्वपूर्ण छ । लाओसका प्रशिक्षक माइकल वाइसले खेल अनौपचारिक भएपनि आफ्नो टोलीले निकै महत्त्व दिएर खेल्ने बताए ।

‘हाम्रो लागि यस खेलले निकै महत्त्व राख्छ । लाओसको लागि निकै महत्त्व राख्छ । लाओसले धेरै फाइनल खेलेको छैन । र अझ युवा टोलीले भरिपूर्ण खेलाडी भएकाले पनि हामी अझ बलियो भएर अगाडी आउन महत्त्वपूर्ण छ । अरु कुरा ध्यान दिदैनौं,’ वाइसले थपे ।

कप्तान सुकाफोन वोंगचेंगखामले पनि लाओसले हालसम्म फाइनल पुगेको थाहा नभएकाले जितका लागि खेल्ने बताए ।

नेपालका कप्तान किरण चेम्जोङले फिफा डे मा नभएपनि टोलीको मनोबलको लागि यो खेल महत्त्वपूर्ण रहेको बताए । ‘फिफा डे मा खेल छैन तर हामी फाइनल पुगेका छौं । नयाँ टोली छ र मनोबल र आत्मविश्वास बढाउन यो उपाधि महत्त्वपुर्ण छ । वर्तमान अवस्था हेर्दा समर्थकका लागि पनि महत्त्वपूर्ण रहेको मानेको छु,’ किरणले भने ।

नवनियुक्त प्रशिक्षक भिन्सेन्जो अल्बर्टो अनेसेका लागि पहिलो जिम्मेवारीमा मिश्रित प्रतिक्रिया आएको छ । मैदानमा फितलो प्रदर्शन भएपनि नेपालले नतिजा भने सुम्पनु परेको छैन । तर भुटानविरुद्ध इतिहासमै पहिलोपटक बराबरीमा रोकिन पुग्दा भने केहि खल्लोपना पक्कै भएको छ ।

नेपालले यसपटक ६ नयाँ अनुहारसहित केही पुराना अनुहार समेट्दै टोली निर्माण गरेको थियो । प्रशिक्षक अनेसेले केहि दिन टोलीसँग रहेर रणनीति बुनेका थिए । छोटो समयमा उनले हासिल गरेको नतिजाको प्रशंसा गर्नुपर्छ नै । तर प्रदर्शनमा भने केहि खस्किएको पक्कै छ । यसलाई नेपाली टोलीबाट अधिकांश खेलाडीको पलायनले पनि प्रत्यक्ष असर गरेको छ ।

नेपालले शुक्रबार लाओसको सामना गर्दा आउने दिनमा के अपेक्षा गर्ने भन्ने प्रश्नको केहि संकेत पाउने आशा गर्न सकिन्छ । नयाँ रुपमा देखिएको राष्ट्रिय टोलीले प्रशिक्षक अनेसेको आगमनसँगै कुन पथमा अघि बढ्छ, त्यसमा भोलिको नतिजा महत्त्वपूर्ण हुनेछ । मिडफिल्डर पुजन उपरकोटी अनुपस्थित र अन्जन विष्ट शत प्रतिशत फिट नहुँदाको अवस्थाले खेलमा अझ चुनौती थपिएको छ । खेल ‘अनौपचारिक मैत्रीपूर्ण’ भएपनि दुवै लाओस र नेपालले यसलाई गम्भीरताका साथ लिएका छन् ।

May 27, 2024

योर गेम इज नट फेयर प्ले

सन्जोग चाम्लिङ राई पहेँलो रंगको पृष्ठभूमिगाढा निलो अक्षर । मैदानमासबैभन्दा पहिले छिर्छएउटा चारकुने झण्डालेखिएको हुन्छ –“माई गेम इज फेयर प्ले” । मैदानको वारी छन्“भिटामिन डी” को रापमारापिएका दर्शकहरु ,पारी देखिन्छछहारीमा सुकला गरी रहेको एन्फाखेल्दै छन् मैदानमाभोको पेट र काँचका सपनाहरु । अचम्मको पोको हो एन्फाफुटबल नबोल्नुउसको गला होफुटबल नखेल्नुउसको कला हो । बहुमतको बिसौलीमाउ मात्तिन्छचौरास्ताको […]

May 27, 2024

जितका साथ बार्सिलोनामा जाभीको बिदाई

एजेन्सी – जितका साथ जाभी हर्नान्डेजले बार्सिलोनाको प्रशिक्षण यात्राको अन्त्य गरेका छन् । स्पेनिस ला लिगामा आफ्नो अन्तिम खेलमा आइतबार बार्सिलोना सेभियालाई २–१ ले हराएको हो । बार्सिलोनाका लागि रोबर्ट लेवान्डोस्की र फर्मिन लोपेजले गोल गरे । सेभियाका लागि एन नेसिरीले गोल गरे । खेलको समाप्तीपछि बार्सिलोनाका खेलाडीले जाभीलाई बिदाइ गरे । बार्सिलोनाले यसअघि नै […]

May 26, 2024

पिएसजी फ्रेन्च कप च्याम्पियन

एजेन्सी – फ्रेन्च कपको उपाधि जित्दै फरवार्ड केलियन एमबाप्पेले आफ्नाे पेरिस सेन्ट जर्मेन (पिएसजी) बसाईकाे सुखद् अन्त्य गरेका छन्। पिएसजीले शनिबार लियोनमाथि २–१ को जित निकाल्दै उपाधि जित्न सफल भएको हो । पिएसजीका लागि आफ्नाे अन्तिम खेलमा भने एमबाप्पेले गाेल गर्न सकेनन् । पिएसजीका लागि अन्तिम खेल खेलिरहेका केलियन एमबाप्पेले उपाधिसहित क्लबबाट सुखद बिदाई लिएका […]

Success

Thank you for your time.