दिपक बोहोरा
पाँचथर (हाम्रो खेलकुद)– सुनसरीको एलाभेन एरोज आठौं फाल्गुनन्द गोल्ड कप फुटबल प्रतियोगिताको सेमिफाइनलमा पुगेको छ । तीन बर्षपछि घरेलु प्रतिस्पर्धात्मक फुटबलमा फर्केका हिमालयन शेर्पालाई ३–० ले हराउँदै एलाभेन एरोजको अन्तिम चारमा पुगेको थियो । तीन दिनअघि झापा ११ सँग पराजित हुँदै हिमालयन शेर्पा काँकरभिट्टा गोल्डकप फुटबल प्रतियोगिताबाट बाहिरिएको थियो ।

खेलको ३० औं मिनेटमा अफ्रिकन मुलका सामसिङले गोल गर्दै सुनसरिलाइ सुरुबाती अग्रता दिलाएका थिए । पेनाल्टी बक्समा प्राप्त बलमा उनीले कुनै गल्ति नगरि गोल गरेका थिए । ६३ औं सामसिङले गोल थप्दै गोलअन्तरलाई दोब्बर पारे । उनको दोस्रो खेलमा निशान लिम्बुले पास दिएका थिए । त्यस्तै निर्धारित ८० मिनेटको खेल सकिनु दुई मिनेटअघि अफ्रिकन मुलका पिटरले एकल प्रयासमा गोल गर्दै टोलीको जित पक्का पारे ।

हेमन गुरुङ ,मानबहादुर तमाङ,रुपेश केसी जस्ता घरेलु फुटबलका स्थापित खेलाडी सम्मिलित हिमालयन शेर्पाले खेलमा फर्कने पटक पटक प्रयास गरेपनि सफल भएन । हिमलयन शेर्पाका प्रशिक्षक बिकास गौचनले नयाँ खेलमैदान अनुभव नहुँदा हार्नु परेको बताए । विजयी टोलीका पिटर म्यान अफ दि म्याच बने ।

फाल्गुनन्द गोल्ड कपमा मंगलबारको खेल
फिदिम स्पोर्टिङ क्लब पाँचथर विरुद्ध फ्यान क्लब बि.आ.सि भुटान
फिदिम उच्च मा.बिको खेलमैदान
दिनका २ बजे