दिपक बोहोरा
पाँचथर– आयोजक फिदिम स्र्पोटिङ क्लब पाँचथरमा जारी आठौं फाल्गुनन्द गोल्डकपको सेमिफाइनलमा पुगेको छ । मंगलबार फ्यान्स क्लब बिआरसी भुटानलाई २–० गोलले हराउदै फिदिमले विर्ता युनाइटेड क्लब झापा संगको सेमिफाइनल भेट पक्का गरेको छ ।
अघिल्लो दिनमात्र रुपन्देही ११ संग पराजित हुदै काकरभित्ता गोल्ड कप बाट बाहिरिएको भुटानी क्लब पाँचथरमा पनि पहिलो खेलबाटै बाहिरीएको छ । फिदिम उच्च मा.बिको मैदानमा पहिलो हाफ गोलरहित बराबरीमा टुंगिएको थियो ।
दोश्रो हाफमा आयोजक टोलीका मेहरमान खवासको ठाँउमा मैदान प्रेबश गरेका शरण बस्नेतले ६० औं मिनेटमा गोल गर्दौ अग्रता दिलाएका थिए । आशिष राईको प्रहार फ्यान्स क्लबका रक्षकले क्लियर गर्न नसक्दा गोल भएको थियो । ७९ औं मिनेटमा साजन राइको क्रसमा शरणले दोस्रो गोल गर्दै टिमलाइ सेमिफाइनलमापु¥याएका हुन ।
पहिलो हाफमा केहि राम्रो प्रर्दशन गरेको भुटान दोश्रो हाफमा केहि दबाबमा परेको थियो । आयोजक फिदिमका नरेश सम्हाफे खेलको म्यान अफ दि म्याच घोषित भए । भुटानी क्लबका प्रशिक्षक युवराज साम्पाङ राईल हरेक दिन खुल्नु पर्दा खेलाडी चोट ग्रस्त भएको पराजित हुनु परेको बताए ।
फाल्गुनन्द गोल्ड कपमा बुधवारको खेल
कर्ण सिं सोनाम स्मृति क्लब ताप्लेजुङ ११ विरुद्ध चर्च व्याइज क्लब काठमाण्डौ
फिदिम उच्च मा.बि को खेल मैदान
दिनको २ बजे
