स्पेन (एजेन्सी)–‘ट्रान्सफर विन्डो’ खुले लगतै खेलाडीहरु यता जाने र उता जाने भन्दै हल्ला चल्न थाल्छन् । त्यसमध्ये केहि मात्र वास्तविक हुन्छन् । हाल रियल मड्रिडले टोटेनह्यामका स्टार डेले अल्ली लाई भित्राउन चाहेको अन्तर्राष्ट्रिय सञ्चारमाध्यमले जनाएका छन् । मड्रिडमाथि खेलाडी ट्रान्सफरमा लगाइएको प्रतिबन्धका कारण यही जनवरीमा अल्लीलाई भित्राउन नपाएपनी आउँदो सिजन उनलाई ल्याउने मड्रिडको दाउ छ ।
सन् २०१५ मा ५ मिलियन पाउण्डमा एमके डन्सबाट टोटेनह्याम पुगेका अल्लीलाई मड्रिडले १० गुणा बढी रकममा खरिद गर्ने इच्छा देखाएको छ । टोटेनह्यामका लागि मिडफिल्डको केन्द्रमा रहेका २० बर्षिय अल्लीले पिीमियर लिगको ५१ खेलमा २० गोल गर्दै १० असिस्ट गरिसकेका छन् । उनको सुधारिदै गरेको फर्मले मड्रिडलाई आकर्षित गरेको हो । तर टोटेनह्याम भने आफ्नो अर्का क्षमतावान खेलाडीलाई मड्रिड जान नदिने दाउमा रहेको छ । यसअघि गेराथ बेल र लुका मोड्रिच दुवै टोटेनह्यामबाट मड्रिड गएका थिए ।
बेल र मोड्रिच दुवै टोटेनह्यामबाट मड्रिड गएका थिए ।
