7 years ago
January 4, 2017
हेटौंडा (हाम्रो खेलकुद)–त्रिभुवन आर्मी क्लब टुबोर्ग हेटौंडा दोस्रो अन्तर्राष्ट्रिय आमन्त्रण फुटबल प्रतियोगिता–२०७३ को सेमिफाइनलमा पुगेको छ । सुमन भोम्जन स्मृति खेलकुद प्रतिष्ठानको आयोजनामा हेटौंडामा जारी प्रतियोगितामा बुधबारको अन्तिम क्वार्टरफाइनलमा ए डिभिजन प्रतिद्वन्द्वि सिएमजी क्लब संकटालाई २–० ले हराउँदै आर्मीले अन्तिम चारको यात्रा तय गरेको हो । संकटा अघिल्लो दिनमात्र अर्को विभागिय टोली एपिएफसँग १–० ले […]
हेटौंडा (हाम्रो खेलकुद)–त्रिभुवन आर्मी क्लब टुबोर्ग हेटौंडा दोस्रो अन्तर्राष्ट्रिय आमन्त्रण फुटबल प्रतियोगिता–२०७३ को सेमिफाइनलमा पुगेको छ । सुमन भोम्जन स्मृति खेलकुद प्रतिष्ठानको आयोजनामा हेटौंडामा जारी प्रतियोगितामा बुधबारको अन्तिम क्वार्टरफाइनलमा ए डिभिजन प्रतिद्वन्द्वि सिएमजी क्लब संकटालाई २–० ले हराउँदै आर्मीले अन्तिम चारको यात्रा तय गरेको हो ।
संकटा अघिल्लो दिनमात्र अर्को विभागिय टोली एपिएफसँग १–० ले पराजित हुँदै झापामा जारी काँकरभिट्टा गोल्ड कपबाट बाहिरीएको थियो । आर्मीको जितमा नेपालका चर्चित स्ट्राइकर नवयुग श्रेष्ठ र दीप लामाले गोल गरेका थिए । खेलको ४० औं मिनेटमा आर्मीका समुन अर्यालले प्रहार गरेको फ्रिकिकमा फिल्क हेड गर्दै नवयुगले खाता खोलेका थिए । उनले गरेको हेड प्रहारमा संकटाका गोलरक्षक विशाल श्रेष्ठले रोक्ने कुनै मौका पाएनन् ।
नवयुग श्रेष्ठकै पासमा ७२ औं मिनेटमा दीपले डिबक्सबाहिरबाट प्रहार गरेको सट गोलमा परिणत भएको थियो । दीपले प्रहार गरेको सटमा संकटाका गोलरक्षक विशाल श्रेष्ठले डाइभ गरेकापनि खराब मैदानको कारण बल बाउन्स भएर गोलमा परिणत भएको थियो । खेलमा आर्मीका मिडफिल्डर सन्तोष तामाङ एएफयु म्यान अफ दी म्याच घोषित भए । उनले तीनहजार रुपियाँसहित ट्रफि समेत प्राप्त गरेका थिए ।
हेटौंडा–१० स्थित वनविज्ञान खेलमैदानमा जारी खेलपश्चात् पोष्टम्यान कन्फ्रेन्समा आर्मीका प्रशिक्षक नविन न्यौपानेले आफ्नो खेलाडीहरुको खेलबाट सन्तुष्ट नभएको बताएका छन् । ‘लगातार खेल भएका कारण खेलाडीलाई खेल्न गाह्रो भइरहेको छ । खेलाडीले रिकभरी हुने मौका समेत प्राप्त गरिरहेका छैनन्’, उनले भने,‘मोफासलमा हुने प्रतियोगिता एकपछि अर्को हुनुभन्दा पनि एकहप्ताको फरकमा हुनुपर्दछ ।’
संकटाका प्रशिक्षक शैलेश कर्माचार्यले मंगलबार काँकडभिट्टा गोल्डकपमा सहभागी भएर खेलाडीहरु रातारात आएर प्रतियोगितामा सहभागिता जनाउँदा सोचेअनुसार खेल नभएको बताए । उनले भने ‘खेलाडीले सक्दो खेले । तर, हाम्रो खेलाडीको स्तर योभन्दा ज्यादैमाथि को हो ।’
प्रतियोगिताको विजेताले ५ लाख रुपैयाँ र दोस्रो हुने टोलीले ३ लाख रुपैयाँ प्राप्त गर्नेछन् । उत्कृष्ट प्रशिक्षक खेलाडीलाई नगद १५ हजार रुपियाँ र सर्वोत्कृष्ट खेलाडीलाई ५० हजार रुपियाँ प्राप्त गर्नेछन् ।
April 26, 2024
सुर्खेत (हाम्रो खेलकुद)- कोशी प्रदेशले महिला लिग छनोटमा लगातार चौथो जित निकालेको छ। कोशीले विजय यात्रालाई निरन्तरता दिने क्रममा शुक्रबार लुम्बिनी प्रदेशलाई ३-० ले हरायो। कर्णाली प्रदेश रंगशालामा भएको खेलमा कोशीलाई जित दिलाउन मनिका तुम्रोकले २ र सन्जुमाया तामाङले १ गोल गरिन्। सन्जुमायाले २३ औं मिनेटमा गोल गरिन् । मनिकाले ३९ र ५७ औं मिनेटमा […]
April 26, 2024
एजेन्सी- म्यानचेस्टर सिटीले इंग्लिस प्रिमियर लिगमा बिहीबार जित निकालेपछि उपाधि दौड रोमाञ्चक बनेको छ । ब्राइटनलाई ४-० ले हराएपछि सिटी लिभरपुललाई पछि पार्दै अंक तालिकाको दोस्रो स्थानमा उक्लेको छ।सिटीको जितमा लाई फिल फोडेनले २ , केभिन डी ब्रुएने र जुलियन अल्भारेजले समान १ गोल गरे। ब्राइटनको मैदानमा सिटीका लागि केइल वाल्करको पासमा ब्रुएनेले १७ औं […]
April 25, 2024
विराटनगर (हाम्रो खेलकुद) – घरेलु टोली पेमा युवा क्लब विराटनगर चौंथो संस्करणको मिल्स गोल्डकप फुटबल प्रतियोगिताको फाइनलमा पुगेको छ । विराटनगर जुटमिलको खेलमैदानमा बिहीबार भएको दोस्रो सेमिफाइनलमा कोशी प्रदेश प्रहरी कार्यालय रानी विराटनगरलाई ३–१ गोलले हराउँदै पेमा अन्तिम दुईमा पुगेको हो । पेमाले शनिबार हुने फाइनलमा सशस्त्र प्रहरी बल (एपीएफ) पकली, सुनसरीसँग प्रतिस्पर्धा गर्नेछ । […]