एजेन्सी – टोटेनहम हटस्परले इंग्लिस प्रिमियर लिगमा न्यूक्यासल युनाइटेडसँग लज्जास्पद हार बेहोरको छ । टोटेनहमले घरेलु टोली न्यूक्यासलसँग ६–१ को लज्जास्पद हार बेहोरको हो ।

न्यूक्यासलको सानदार फराकिलो जितमा ज्याकव मर्फी र एलेक्सान्डर इसाकले समान दुई गोल गर्दा जोइलिन्टन र कलुम विल्सनले समान एक गोल गरे । टोटेनहमका ह्यारी केनले एक गोल फर्काए ।

सेन्ट जेम्स पार्क न्यूक्यासलमा आइतबार राति भएको खेलमा टोटेनहम सुरुवाती २१ मिनेटभित्र नै ५–० ले पछि परेको थियो । दोस्रो हाफमा टोटेनहमले एक गोल फर्काउँदा अर्काे एक गोल खाँदै फराकिलो हार बेहोर्न पुग्यो ।

खेलको दोस्रो मिनेटमा नै ज्याकव मर्फीको गोलबाट न्यूक्यासलको गोलको खाता खोल्यो । छैटौं मिनेटमा जोइलिन्टनले गोल गर्दै अग्रता दोब्बर पारे ।

नवौं मिनेटमा मर्फीले व्यक्तिगत दोस्रो तथा टोलीका लागि तेस्रो गोल गरे । त्यसपछि १९औं र २१औं मिनेटमा इसाकले गोल गरेपछि टोटेनहम २१ मिनेटभित्रै खेलमा ५–० ले पछि पर्यो ।

४९औं मिनेटमा केनले गोल गर्दै खेललाई ५–१ को स्थितिमा ल्याए । तर, ६७औं मिनेटमा कलुम विल्सनले गोल गर्दै टोटेनहमलाई ६–१ को लज्जास्दि हार चखाए ।

यस जितसागै न्यूक्यासल ३१ खेलबाट ५९ अंक जोडेर तेस्रो स्थानमा उक्लदै शीर्ष चारमा रहने सम्भावना बलियो बनाएको छ । पराजित टोटेनहम ३२ खेलबाट ५३ अंक जोडेर पाँचौं स्थानमा छ ।