बिल्बाओ (एजेन्सी) – नौं खेलाडीमा सिमिति भएर पनि एथ्लेटिक बिल्बाओले कोपा डेल रेको अन्तिम १६ को पहिलो लेगमा बार्सिलोनालाई २–१ ले हराएको छ ।
पहिलो हाफमा तीन मिनेटको फरकमा दुई गोल गरेको बिल्बाओले दास्रो हाफमा ९ खेलाडीमा सिमित भएर पनि नतिजा आफ्नो पक्षमा पारेको थियो । अरिट्ज अदुरिजले २५ औं र इनाकी विलियम्सले २८ औं मिनेट गोल गरेपछि बिल्बाओले पहिलो हाफमा २–० को अग्रता लिएको थियो ।
बार्सिलोनाको लागि लियोनल मेस्सीले दास्रो हाफमा फ्रिकिकमार्फत गोल फर्काउँदै अन्तर घटाएका थिए । तर ७४ औं मिनेटमा दोस्रो पहेलो कार्डको सामना गर्दै राउल गार्सिया र ८० मिनेटमा डेर्टिएनोले मैदान छाडेपछि बिल्बाओ ९ खेलाडीमा सिमित भएको थियो । बार्सिलोनले थुप्रै प्रयास गरे पनि गोल गर्न नसक्दा पहिलो लेगमा २–१ ले पछि परेको हो । इन्जुरी समयमा मेस्सीको प्रहार पोस्टमा लागेर फर्केपछि बराबरीको मौका समेत गुमेको थियो ।
साविक विजेता बार्सिलोना र बिल्बाओबीचको दोस्रो लेग जनवरी १२ मा नो क्याम्पमा हुनेछ ।
हाइलाईट्स
